തന്നെ നിരന്തരം വിമർശിക്കുന്ന മുൻ ഇന്ത്യൻ താരം സുനില്‍ ഗവാസ്‌കറിനെതിരെ ബി.സി.സി.ഐക്ക്  പരാതി നല്‍കി ഇന്ത്യൻ ക്രിക്കറ്റ് ടീം നായകൻ രോഹിത് ശർമ.

ആസ്ട്രേലിയക്കെതിരായ ബോർഡർ ഗവാസ്കർ ട്രോഫിയിലെ മോശം പ്രകടനത്തിനു പിന്നാലെ ഗവാസ്കർ നടത്തിയ വിമർശനം അതിരുവിടുന്നതാണെന്ന് ചൂണ്ടിക്കാട്ടിയാണ് താരം പരാതി നല്‍കിയത്.

ഓസീസിനെതിരെ മൂന്നു ടെസ്റ്റുകളില്‍നിന്ന് 31 റണ്‍സ് മാത്രമാണ് രോഹിത്തിന്‍റെ സമ്ബാദ്യം. വിമർശനത്തിനു പിന്നാലെ സിഡ്നിയില്‍ നടന്ന അഞ്ചാം ടെസ്റ്റില്‍നിന്ന് താരം സ്വയം മാറി നിന്നിരുന്നു. 

മെല്‍ബണിലും സിഡ്നിയിലും റണ്‍സ് കണ്ടെത്താനായില്ലെങ്കില്‍ സെലക്ടർമാരുടെ തീരുമാനത്തിന് കാത്തുനില്‍ക്കാതെ ക്യാപ്റ്റൻസി സ്ഥാനം ഒഴിയണമെന്നും സിഡ്നി മോർണിങ് ഹെറാള്‍ഡ് പത്രത്തിലെ ലേഖനത്തിലൂടെ താരം വിമർശിച്ചിരുന്നു.

ഇടവേളക്കുശേഷം രഞ്ജി ട്രോഫിയില്‍ മുംബൈക്കായി കളിക്കാനിറങ്ങിയിട്ടും രോഹിത്തിന് തിളങ്ങാനായില്ല. ജമ്മു-കശ്മീരിനെതിരായ മത്സരത്തില്‍ മുംബൈ അഞ്ചു വിക്കറ്റിന് പരാജയപ്പെട്ടു.

പിന്നാലെ ഗവാസ്‌കർ നടത്തിയ വിമർശനം രോഹിത്തിനെ വീണ്ടും ചൊടിപ്പിച്ചു. രോഹിത് രഞ്ജി ട്രോഫിയില്‍ കളിച്ചത് ബി.സി.സി.ഐയുടെ വാർഷിക കരാറില്‍നിന്ന് പുറത്തുപോകാതിരിക്കാൻ മാത്രമാണെന്ന് സംശയിക്കുന്നവരെ കുറ്റം പറയാനാവിവെന്നായിരുന്നു ഗവാസ്കറിന്‍റെ പ്രതികരണം. 

മോശം പ്രകടനവുമായി ബന്ധപ്പെട്ടുള്ള വിമർശനങ്ങളില്‍ കടുത്ത നീരസം പ്രകടിപ്പിച്ചാണ് താരം ബി.സി.സി.ഐയെ സമീപിച്ചത്. ഇത്തരം രീതിയിലുള്ള ഗവാസ്കറിന്‍റെ വിമർശനം അനാവശ്യമാണെന്ന ബോധ്യത്തിന്‍റെ അടിസ്ഥാനത്തിലാണ് താരം ബി.സി.സി.ഐക്ക് പരാതി നല്‍കിയത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്