യുഫേഫ ചാമ്പ്യൻസ് ലീഗിൽ ജർമ്മൻ സ്റ്റുഗാർട്ടിനെ 4-1 ന് തോൽപ്പിച്ച് പ്ലേ ഓഫ് കളിക്കാൻ ഇടം ഉറപ്പിച്ചു പി.എസ്.ജി. ജയത്തോടെ 13 പോയിന്റുകൾ നേടി 15 -ാം സ്ഥാനത്ത് എത്തിയ അവർ പ്ലേ ഓഫിൽ ഇടം നേടിയപ്പോൾ സ്റ്റുഗാർട്ട് ടൂർണമെന്റിൽ നിന്നു പുറത്തായി. 17, 35, 54 മിനിറ്റുകളിൽ ഗോളുകൾ നേടി ഹാട്രിക് പൂർത്തിയാക്കിയ ഉസ്മാൻ ഡെംബലെയുടെ മികവിലാണ് പാരീസ് ജയം കുറിച്ചത്. ബാർകോളയാണ് പാരീസിന്റെ നാലാം ഗോൾ നേടിയത്.

സ്ലൊവാക്യൻ ക്ലബ് സ്ലൊവനെ 3-1ന് മറികടന്ന ജർമ്മൻ ക്ലബ്ബായ ബയേൺ മ്യൂണികും പ്ലേ ഓഫ് കളിക്കാൻ യോഗ്യത നേടി. 15 പോയിന്റുകൾ നേടിയ ബയേണിന് 12-ാം സ്ഥാനത്തെത്താനാണായത്.

ബയേണിന് ആയി തോമസ് മുള്ളർ, ഹാരി കെയിൻ, കിങ്‌സിലി കോമാൻ എന്നിവർ ആണ് ഗോൾ നേടിയത്. ശാക്തറിനെ 3-1 ന് മറികടന്ന ബൊറൂസിയ ഡോർട്ട്മുണ്ട് 15 പോയിന്റുകൾ തന്നെ നേടി ഗോൾ വ്യത്യാസത്തിന്റെ മികവിൽ പത്താം സ്ഥാനത്ത് എത്തി പ്ലേ ഓഫിലേക്ക് യോഗ്യത നേടി. ഗുയിറാസിയുടെ ഇരട്ടഗോൾ മികവിൽ ആണ് ഡോർട്ട്മുണ്ട് ജയം കണ്ടത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്