‘ആട് 3’യിൽ ഒരു മണിക്കൂർ ദൃശ്യങ്ങൾ എഡിറ്റിംഗിൽ നീക്കം ചെയ്‌തതായി ധർമ്മജൻ

MARCH 19, 2026, 5:54 AM

കൊച്ചി: ആട് 3 ചിത്രത്തിൽ നിന്ന് ഏകദേശം ഒരു മണിക്കൂറോളം ഭാഗങ്ങൾ എഡിറ്റിംഗിൽ ഒഴിവാക്കിയതായി വ്യക്തമാക്കി നടൻ ധർമ്മജൻ ബോൾഗാട്ടി. ആദ്യ ഷോ കണ്ടതിന് പിന്നാലെ മാധ്യമങ്ങളോട് സംസാരിക്കുകയായിരുന്നു അദ്ദേഹം.

വലിയ തോതിൽ ഷൂട്ടിംഗ് നടത്തിയിരുന്നെങ്കിലും അതിൽ നിന്ന് നിരവധി രംഗങ്ങൾ ഒഴിവാക്കേണ്ടിവന്നുവെന്നാണ് ധർമ്മജൻ വ്യക്തമാക്കിയത്. സിനിമ ടൈം ട്രാവൽ പശ്ചാത്തലത്തിലാണെന്നും, അത് പ്രേക്ഷകർ എങ്ങനെ സ്വീകരിക്കും എന്നത് അവരുടെ തീരുമാനമാണെന്നും അദ്ദേഹം കൂട്ടിച്ചേർത്തു.

അതേസമയം ചിത്രം കണ്ട പ്രേക്ഷകർ മികച്ച പ്രതികരണമാണ് നൽകുന്നത്. ആദ്യ രണ്ട് ഭാഗങ്ങളിലേതുപോലെ തന്നെ ഹാസ്യം നിറഞ്ഞ ചിത്രമാണെന്ന അഭിപ്രായമാണ് ഉയരുന്നത്.