മിസ്റ്റർ ആൻഡ് മിസിസ് സ്മിത്തിന്റെ സെറ്റിൽ വെച്ചാണ് ഹോളിവുഡിലെ താരദമ്പതിമാരായിരുന്ന ബ്രാഡ് പിറ്റും ആഞ്ചലീന ജോളിയും കണ്ടുമുട്ടിയത്, 2004 മുതൽ 2016 വരെ അവർ പ്രണയത്തിലായിരുന്നു. പിന്നീട് വിവാഹിതരായി. എന്നാൽ  എട്ടുവര്‍ഷത്തെ നിയമപോരാട്ടത്തിനും തര്‍ക്കങ്ങള്‍ക്കുമൊടുവിൽ  താരങ്ങള്‍ കഴിഞ്ഞ വർഷം  വിവാഹമോചനം സംബന്ധിച്ച് ധാരണയിലെത്തുകയായിരുന്നു.

ബ്രാഡ് പിറ്റ് തന്റെ വരാനിരിക്കുന്ന സ്പോർട്സ് ഡ്രാമയായ എഫ് 1 ന് തയ്യാറെടുക്കുകയാണ്. അടുത്തിടെ അദ്ദേഹം ജോളിയുമായുള്ള പിരിഞ്ഞതിന് ശേഷമുള്ള  തന്റെ മദ്യാസക്തിയുടെ ഘട്ടത്തെക്കുറിച്ച്  തുറന്നു പറഞ്ഞു. ആഞ്ചലീന ജോളിയുമായുള്ള വിവാഹമോചനത്തിന് ശേഷം മദ്യാസക്തിയിൽ നിന്ന് മുക്തി നേടാൻ സഹായിച്ച  ആൽക്കഹോളിക്സ് അനോണിമസ് (എഎ) ൽ താൻ എങ്ങനെ ചേർന്നുവെന്ന് താരം വെളിപ്പെടുത്തി.

'' അതൊരു ബുദ്ധിമുട്ടുള്ള സമയമായിരുന്നു. എനിക്ക് റീബൂട്ട് ചെയ്യേണ്ടിവന്നു. കൂടാതെ, തന്റെ പരാജയപ്പെട്ട ദാമ്പത്യത്തിന് ഒന്നര വർഷത്തിനുശേഷം ആൽക്കഹോളിക്സ് അനോണിമസ് മീറ്റിംഗിൽ പങ്കെടുത്തു. പുരുഷന്മാർ ഒത്തുചേരുന്നതും അവരുടെ മണ്ടത്തരങ്ങളെക്കുറിച്ച് സംസാരിക്കുന്നതും കാണുന്നത് എത്രത്തോളം ആരോഗ്യകരമാണെന്ന് എനിക്ക് മനസ്സിലായി.

അതൊരു പുരുഷന്മാരുടെ ഗ്രൂപ്പായിരുന്നു. പുരുഷന്മാർ അവരുടെ അനുഭവങ്ങൾ, അവരുടെ പോരായ്മകൾ, അവരുടെ തെറ്റുകൾ, അവരുടെ ആഗ്രഹങ്ങൾ, അവരുടെ വേദനകൾ, അതിനൊപ്പം തമാശകൾ  എന്നിവ പങ്കിട്ടു. ആൽക്കഹോളിക്സ് അനോണിമസ് തന്റെ മദ്യപാനത്തിന് തടയിടാൻ  സഹായിച്ചുവെന്നും അത് സ്വന്തം തെറ്റുകൾ മനസിലാക്കി വീണ്ടും ഒരു ജന്മം തന്നുവെന്നും  ബ്രാഡ് പിറ്റ് കൂട്ടിച്ചേർത്തു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്