ഡൽഹി: വോട്ടിങ് യന്ത്രം ഹാക്ക് ചെയ്യപ്പെടുമെന്ന ഇലോണ്മസ്ക്കിന്റെ പ്രസ്താവന വലിയ രീതിയിൽ ആണ് സോഷ്യൽ മീഡിയയിൽ ചർച്ചയാവുന്നത്. ഈ അവസരത്തിൽ പ്രതികരണവുമായി രംഗത്ത് എത്തിയിരിക്കുകയാണ് രാഹുൽ ഗാന്ധി.
ഇന്ത്യയിലെ വോട്ടിങ് യന്ത്രങ്ങള് ആർക്കും പരിശോധിക്കാൻ കഴിയാത്ത ബ്ലാക്ക് ബോക്സുകളെന്നാണ് അദ്ദേഹം പ്രതികരിച്ചത്. തെരഞ്ഞെടുപ്പ് പ്രക്രിയയിലെ സുതാര്യതയെക്കുറിച്ച് ഗുരുതരമായ ആശങ്കകൾ ഉയരുന്നു. ഭരണഘടന സ്ഥാപനങ്ങള്ക്ക് ഉത്തരവാദിത്തം ഇല്ലാതാകുമ്പോള് ജനാധിപത്യം വഞ്ചിക്കപ്പെടുമെന്നും രാഹുല്ഗാന്ധി എക്സില് കുറിച്ചു.
മഹാരാഷ്ട്രയിലെ ശിവസേന ഷിൻഡെ വിഭാഗം നേതാവ് 48 വോട്ടുകള്ക്ക് വിജയിച്ചതിലെ വിവാദം ചൂണ്ടിക്കാട്ടിയായിരുന്നു രാഹുല്ഗാന്ധിയുടെ എക്സിലെ പ്രതികരണം. സർവീസ് വോട്ടുകള് ചെയ്യുന്ന ഇവിഎം തുറക്കാൻ കഴിയുന്ന മൊബൈല് ഫോണ് ഷിൻഡെ വിഭാഗം നേതാവിന്റെ ബന്ധു ഉപയോഗിച്ചിരുന്നുവെന്ന പൊലീസ് കണ്ടെത്തലിന്റെ റിപ്പോര്ട്ടും രാഹുല് ഇതോടൊപ്പം പോസ്റ്റ് ചെയ്തു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്