അക്കാമ്മ വി. ചാക്കോ (79) ഡാളസിൽ അന്തരിച്ചു

ഡാളസ്: തിരുവല്ല നിരണം വട്ടമ്മാക്കേൽ, വർഗ്ഗീസ് മാത്തൻ  ഏലിയാമ്മ ദമ്പതികളുടെ മകൾ  അക്കാമ്മ വർഗീസ് ചാക്കോ (79) ആഗസ്റ്റ് 26ന് ഡാളസിൽ അന്തരിച്ചു. നിരണം പനമ്പിറ്റേത്ത് ചാക്കോ പി. ചാക്കോയുടെ ഭാര്യയാണ്. ഇന്ത്യാ പെന്തകോസ്ത് ദൈവ സഭ ഹെബ്രോൻ ഡാളസ് സഭാംഗമായിരുന്നു.

പ്രാഥമികവിദ്യാഭ്യാസ അനന്തരം നാഗ്പൂർ മെഡിക്കൽ കോളേജിൽ നിന്നും നഴ്‌സിംഗ് മേഖലയിൽ പഠനം പൂർത്തിയാക്കി. 1974ൽ ജോലിയോടനുബന്ധിച്ച് അമേരിക്കയിലെത്തി. ദീർഘകാലം ഡാളസ് പാർക്‌ലാൻഡ് ആശുപത്രിയിൽ ആതുര ശുശ്രുഷ രംഗത്തെ സേവനത്തിനു ശേഷം വിശ്രമ ജീവിതം നയിച്ചു വരികയായിരുന്നു. 

ഭൗതിക ശരീരം ഓഗസ്റ്റ് 29 വെള്ളിയാഴ്ച വൈകിട്ട് 6:30 മുതൽ ഗാർലൻഡിലുള്ള ഐ.പി.സി. ഹെബ്രോൻ ആരാധനാലയത്തിൽ (1751 Wall tSreet, Garland, TX 75041) പൊതുദർശനത്തിന് വെയ്ക്കുകയും തുടർന്ന് അനുസ്മരണ കൂടിവരവും ഉണ്ടായിരിക്കും.

സംസ്‌കാര ശുശ്രൂഷകൾ ആഗസ്റ്റ് 30 ശനിയാഴ്ച രാവിലെ 11 മണി മുതൽ ഇതേ ആരാധനാലയത്തിലെ ശുശ്രൂഷകൾക്ക് അനന്തരം ന്യൂ ഹോപ്പ് സെമിത്തേരിയിൽ (New Hope Funeral Home, 500 E. Hwy 80, Sunnyvale, Texas 75182) ഉച്ചയ്ക്ക് 2:30 യോടെ ഭൗതിക ശരീരം സംസ്‌കരിക്കും.

മക്കൾ: ജൂലി ജാക്‌സൺ, ജെയ്മി ജോസഫ്.

സഹോദരങ്ങൾ: റേച്ചൽ ശാമുവേൽ, സാറാമ്മ തോമസ്, മാത്തുക്കുട്ടി ഗീവർഗീസ്, മറിയാമ്മ ഏബ്രഹാംസൺ , റോസമ്മ പ്രസാദ്.

ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക. ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1