വെസ്റ്റ് വർജീനിയ: വെസ്റ്റ് വർജീനിയയിൽ ഭർത്താവിനെയും മകളെയും വെടിവെച്ച് കൊലപ്പെടുത്തിയ ശേഷം തെളിവ് നശിപ്പിക്കാൻ വീടിന് തീവെച്ച സംഭവത്തിൽ സ്ത്രീ അറസ്റ്റിൽ.
ഹാർപേഴ്സ് ഫെറി സ്വദേശിനിയായ നിക്കോൾ ടെയ്ലർ (55) ആണ് പിടിയിലായത്.നിക്കോളുടെ ഭർത്താവ് റോബർട്ട് ടെയ്ലർ III (56), മകൾ സിന്ത്വ ടെയ്ലർ (21) എന്നിവരാണ് കൊല്ലപ്പെട്ടത്.
റോബർട്ടിന് വെടിയേറ്റതായി പൊലീസ് സ്ഥിരീകരിച്ചു. കൊലപാതകത്തിന് ശേഷം മൃദേഹങ്ങൾ വീട്ടിനുള്ളിലിട്ട് പ്രതി തീവെക്കുകയായിരുന്നുവെന്ന് പൊലീസ് അന്വേഷണത്തിൽ വ്യക്തമായി.
ഗുരുതരമായി പൊള്ളലേറ്റ നിലയിൽ രക്ഷപ്പെട്ട പ്രതി ചികിത്സയ്ക്ക് ശേഷമാണ് അറസ്റ്റിലായത്. ഇവർക്കെതിരെ കൊലപാതകം, തീവെപ്പ് എന്നീ കുറ്റങ്ങൾ ചുമത്തിയിട്ടുണ്ട്.
കുടുംബത്തിലെ മറ്റ് രണ്ട് മുതിർന്ന മക്കൾ നിസ്സാര പരിക്കുകളോടെ രക്ഷപ്പെട്ടു.
സംഭവത്തിൽ സ്റ്റേറ്റ് പൊലീസും ഫയർ മാർഷലും യു.എസ് ഫെഡറൽ ഏജൻസിയായ എ.ടി.എഫും സംയുക്തമായാണ് അന്വേഷണം നടത്തിയത്.
പി പി ചെറിയാൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260926044947.jpg)
