നാട്ടകം സുരേഷ് ഏറ്റുമാനൂരിൽ 4000–7000 ഭൂരിപക്ഷത്തിൽ വിജയിക്കുമെന്ന പ്രതീക്ഷയിൽ യുഡിഎഫ്

APRIL 16, 2026, 8:03 PM

എറ്റുമാനൂര്‍ : നാട്ടകം സുരേഷ് ഏറ്റുമാനൂരില്‍ 4000 -7000 വോട്ടിന്റെ ഭൂരിപക്ഷത്തില്‍ വിജയിക്കുമെന്ന് യുഡിഎഫ് തെരഞ്ഞെടുപ്പ് അവലോകന റിപ്പോര്‍ട്ട്.

പോളിങ് ശതമാനം ഉയര്‍ന്നതും കുറഞ്ഞതുമായ ബൂത്തുകളുടെ കണക്കുകള്‍ പ്രത്യേകം ശേഖരിച്ചാണ് റിപ്പോര്‍ട്ട് തയ്യാറാക്കിയത്.

മേഖലകളിലെ രാഷ്ട്രീയ സ്വാധീനം, വോട്ടര്‍മാരുടെ പ്രായം സാമൂഹിക, ഭൗതിക സാഹചര്യങ്ങള്‍ എന്നിവ കണക്കിലെടുത്താണു റിപ്പോര്‍ട്ട്.

ബൂത്തുതല കണക്കുകള്‍ ക്രോഡീകരിച്ച് മണ്ഡലം കമ്മിറ്റി തയ്യാറാക്കിയ റിപ്പോര്‍ട്ടിലാണു യുഡിഎഫ് സ്ഥാനാര്‍ത്ഥിയുടെ വിജയം ഉറപ്പിക്കുന്നത്.

ത്രിതല പഞ്ചായത്ത് തെരഞ്ഞെടുപ്പിലെ ഫലവും ചര്‍ച്ചയായിട്ടുണ്ട്. കഴിഞ്ഞ തവണ യുഡിഎഫ് വിമതയായി മത്സരിച്ച ലതിക സുഭാഷ് അന്ന് നേടിയ വോട്ടുകൾ തിരികെ യുഡിഎഫിലെത്തുമെന്നും റിപ്പോർട്ടിൽ പറയുന്നു.