കണ്ണൂര്: കണ്ണൂര് ജില്ലാ സെക്രട്ടറിക്കെതിരെ മാധ്യമങ്ങള് തുടര്ച്ചയായി നിര്മ്മിത കഥകള് ചമയ്ക്കുകയാണെന്ന് സിപിഐഎം ജില്ലാ സെക്രട്ടറിയേറ്റ്.
ഇതിന് പിന്നിലെ ഗൂഢലക്ഷ്യം തിരിച്ചറിയണമെന്നും സിപിഐഎം ജില്ലാ സെക്രട്ടറിയേറ്റ് പ്രസ്താവനയില് പറഞ്ഞു. സിപിഐഎമ്മിനെ തകര്ക്കാനുള്ള ശ്രമത്തിന്റെ ഭാഗം തന്നെയാണ് അത്തരത്തിലുള്ള വാര്ത്തകള്. തെരഞ്ഞെടുപ്പിലുണ്ടായ തിരിച്ചടിക്ക് ശേഷമാണ് തുടര്ച്ചയായി ഇങ്ങനെയുള്ള വാര്ത്തകള് പുറത്തുവരുന്നത്.
ജില്ലാ സെക്രട്ടറിയെ 'നിയമിച്ചതിനെതിരെ' ദേശീയ നേതൃത്വത്തിന് ജില്ലയിലെ ചില നേതാക്കള് പരാതി നല്കി എന്നാണ് പുതിയ വ്യാജ നിര്മിതി.
ആരാണ് പരാതി അയച്ചത്, ആര്ക്കാണയച്ചത് എന്നൊന്നും അതില് വെളിപ്പെടുത്തിയിട്ടില്ല. ഏതോ കേന്ദ്രത്തില് നിന്നും ബോധപൂര്വ്വം ഇത്തരം വാര്ത്തകള് ഉല്പാദിപ്പിക്കുകയാണ്.
സിപിഐഎമ്മില് ജില്ലാ സെക്രട്ടറിയെ നിയമിക്കലല്ല, ജനാധിപത്യപരമായി തെരഞ്ഞെടുക്കുകയാണ്. കണ്ണൂരില് ഏകകണ്ഠമായാണ് ജില്ലാ സെക്രട്ടറിയെ തെരഞ്ഞെടുത്ത്. എന്നിട്ടും സിപിഐഎം സംഘടനാ രീതിയെ അപഹസിക്കുന്ന നിലയില് വാര്ത്തകളുണ്ടാക്കുന്നത് ബോധപൂര്വമാണെന്നും ജില്ലാ സെക്രട്ടറിയേറ്റ് പറഞ്ഞു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260610114312.jpg)
-20260710092419.jpg)
