ഹരിപ്പാട്: ആലപ്പുഴ ഹരിപ്പാട് താലൂക്ക് ആശുപത്രിയില് നാടകീയ സംഭവങ്ങള്. ശക്തമായ വയറുവേദനയെ തുടര്ന്ന് ചികിത്സയ്ക്കായെത്തിയ യുവതി ആശുപത്രിയിലെ ശുചിമുറിയില് പ്രസവിച്ചു. പ്രസവത്തിന് തൊട്ടുപിന്നാലെ യുവതി നവജാതശിശുവിനെ ശുചിമുറിയുടെ വെന്റിലേഷനിലൂടെ പുറത്തേക്ക് എറിയുകയായിരുന്നു.
ഇന്ന് രാവിലെയാണ് നാടിനെ നടുക്കിയ സംഭവം പുറത്തറിയുന്നത്. ആശുപത്രി പരിസരത്ത് നിന്ന് കുഞ്ഞിന്റെ കരച്ചില് കേട്ട ജീവനക്കാരും സുരക്ഷാ ജീവനക്കാരും നടത്തിയ തിരച്ചിലിലാണ് വെന്റിലേഷന് പുറത്ത് താഴെ വീണുകിടക്കുന്ന നിലയില് ചോരക്കുഞ്ഞിനെ കണ്ടെത്തിയത്.
അവിവാഹിതയായ യുവതി വീട്ടുകാര്ക്കൊപ്പമാണ് വയറുവേദനയ്ക്കുള്ള ചികിത്സ തേടി താലൂക്ക് ആശുപത്രിയില് എത്തിയത്. എന്നാല് യുവതി ഗര്ഭിണിയാണെന്ന വിവരം ഒപ്പമുണ്ടായിരുന്ന ബന്ധുക്കള്ക്ക് പോലും അറിയില്ലായിരുന്നുവെന്നാണ് പ്രാഥമിക വിവരം. ആശുപത്രിയിലെത്തിയ ശേഷം അടിയന്തരമായി ശുചിമുറിയില് കയറിയ യുവതി അവിടെവെച്ച് പ്രസവിക്കുകയായിരുന്നു.
ഉടന് തന്നെ ആശുപത്രി അധികൃതര് കുഞ്ഞിന് പ്രാഥമിക ശുശ്രൂഷകള് നല്കി. തുടര്ന്ന് വിദഗ്ധ ചികിത്സയ്ക്കായി അമ്മയെയും കുഞ്ഞിനെയും ആലപ്പുഴ വണ്ടാനം മെഡിക്കല് കോളജ് ആശുപത്രിയിലേക്ക് മാറ്റി. നിലവില് രണ്ടുപേരുടെയും ആരോഗ്യനില തൃപ്തികരമാണെന്നാണ് ആശുപത്രി വൃത്തങ്ങള് നല്കുന്ന സൂചന. സംഭവത്തില് പൊലീസ് അന്വേഷണം ആരംഭിച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
