തിരുവനന്തപുരം: ഓണക്കാലത്ത് ആശ്വാസമായി ക്ഷേമ പെന്ഷന് വിതരണം ഇന്ന് (ആഗസ്റ്റ് 19) ആരംഭിക്കും. 59,00,472 ഗുണഭോക്താക്കള്ക്കുള്ള സാമൂഹിക സുരക്ഷ പെന്ഷന് സംസ്ഥാന വിഹിതമായി 951.40 കോടി രൂപയാണ് അനുവദിച്ചത്. ഈ മാസം 31 വരെ പെന്ഷന് വിതരണം ചെയ്യും.
8,46,456 പേര്ക്കുള്ള വാര്ധക്യ, ഭിന്നശേഷി, വിധവ പെന്ഷനുകളിലെ കേന്ദ്ര-സംസ്ഥാന വിഹിതമായി 24.76 കോടി രൂപയും അനുവദിച്ചു. ഇതും ഇന്നു മുതല് വിതരണം ചെയ്യും. പാര്ട് ടൈം കണ്ടിജന്റ് ജീവനക്കാര്ക്ക് 6000 രൂപ അഡ്വാന്സ് അനുവദിക്കും. സര്വീസ് പെന്ഷന്കാര്ക്ക് 1250 രൂപ ബോണസും ആശാ, അങ്കണവാടി പ്രവര്ത്തകര്ക്ക് 1450 രൂപ ഉത്സവ ബത്തയും നല്കും.
സര്ക്കാര് ജീവനക്കാരുടെയും പെന്ഷന്കാരുടെ ആനുകൂല്യങ്ങള്ക്കായി 630.5 കോടിരൂപയും അങ്കണവാടി പെന്ഷന്കാരുടെ കുടിശിക തീര്ക്കാന് നേരത്തെ അനുവദിച്ച 10 കോടിക്ക് പുറമെ 24കോടിയും അനുവദിച്ചു. സര്ക്കാര് ജീവനക്കാര്ക്കും അധ്യാപകര്ക്കും 4500 രൂപ ബോണസും 20000 രൂപ ഓണം അഡ്വാന്സും അനുവദിച്ചിട്ടുണ്ട്. ബോണസിന് അര്ഹതയില്ലാത്തവര്ക്ക് 3000 രൂപ ഉത്സവബത്ത നല്കും.
സപ്ലൈകോക്ക് ഓണവിപണി സജീവമാക്കാന് 53 കോടി രൂപ മുന്കൂറായി അനുവദിച്ചു. സപ്ലൈകോ വഴി 2026 ജൂലൈ 31 വരെയുള്ള നെല്ല് സംഭരണ പി.ആര്.എസ് കുടിശിക തീര്പ്പാക്കാന് 150 കോടി അനുവദിച്ചു. ഇത് ഓണത്തിന് മുമ്പ് കൊടുത്തുതീര്ക്കാനാണ് ലക്ഷ്യമിടുന്നതെന്ന് മുഖ്യമന്ത്രി വിഡി സതീശന് അറിയിച്ചിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
1-20260525044725.jpg)
