പത്തനംതിട്ട: ചട്ടവിരുദ്ധമായി കാപ്പാ കേസ് പ്രതികളുമായി നിരന്തരം ബന്ധം പുലർത്തിയ സിവിൽ പൊലീസ് ഓഫീസറെ സർവീസിൽനിന്ന് പുറത്താക്കി.
തിരുവല്ല പൊലീസ് സ്റ്റേഷനിൽ സേവനമനുഷ്ഠിച്ചിരുന്ന സിപിഒ നിഷാന്ത് പി. ചന്ദ്രനെയാണ് ജില്ലാ പൊലീസ് മേധാവി ആർ. ആനന്ദ് കർശന നടപടിയുടെ ഭാഗമായി പിരിച്ചുവിട്ടത്.
ഇയാൾക്കെതിരെ ഉയർന്ന ഗുരുതരമായ ആരോപണങ്ങളിൽ ആഭ്യന്തര അന്വേഷണം നടത്തി കുറ്റം ബോധ്യപ്പെട്ടതിനാലാണ് സേനയിൽ നിന്ന് നീക്കം ചെയ്തുകൊണ്ടുള്ള ഉത്തരവിറക്കിയത്.
സേനയ്ക്ക് കളങ്കമുണ്ടാക്കുന്ന രീതിയിൽ ഗുണ്ടാസംഘങ്ങളുമായി രഹസ്യബന്ധം പുലർത്തിയതാണ് നടപടിക്ക് കാരണം. പൊലീസിൻറെ അന്തസും വിശ്വാസ്യതയും തകർക്കുന്ന തരത്തിലുള്ള നിയമവിരുദ്ധ പ്രവർത്തനങ്ങളിൽ ഇയാൾ പങ്കാളിയായെന്നും, ഔദ്യോഗിക കൃത്യനിർവഹണത്തിൽ ഗുരുതരമായ വീഴ്ച വരുത്തിയെന്നും കണ്ടെത്തിയതിനെ തുടർന്നാണ് നടപടി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
