'അമ്മ'യിലെ പ്രശ്നങ്ങൾക്ക് കാരണം അഡ്മിനിസ്ട്രേഷൻ അറിയാത്തവർ തലപ്പത്ത് വന്നപ്പോൾ മുതൽ; പുതിയ ഭരണസമിതിക്കെതിരെ ടിനി ടോം

MAY 15, 2026, 4:57 AM

കൊച്ചി: താരസംഘടനയായ അമ്മയുടെ പുതിയ ഭരണസമിതിക്കെതിരെ നടൻ ടിനി ടോം.ഇടവേള ബാബു ഉണ്ടായിരുന്നപ്പോൾ ബുദ്ധിമുട്ടുകൾ അറിഞ്ഞിരുന്നില്ലെന്ന് പറഞ്ഞ ടിനി ടോം അമ്മയിലെ പ്രശ്നങ്ങൾക്ക് കാരണം അഡ്മിനിസ്ട്രേഷൻ അറിയാത്തവർ തലപ്പത്ത് വന്നപ്പോൾ മുതലാണെന്ന് ആരോപിച്ചു.

അമ്മയുടെ ബൈ ലോ പുതിയ ഭരണ സമിതി ദുരുപയോഗം ചെയ്തു. പ്രസിഡൻ്റ് വെറും സ്റ്റാമ്പ്‌ മാത്രമാകുന്ന സ്ഥിതി ആയി. ബൈ ലോ യിൽ മാറ്റം വരുത്തുന്നത് പരിഗണനയിലാണെന്നും ടിനി ടോം വ്യക്തമാക്കി.

അതേസമയം, അൻസിബ ഹസൻ്റെ രാജി വ്യക്തിപരമാണ്. അമ്മ ഓഫീസിലെ തൊഴിൽ പീഡനം സംബന്ധിച്ച് പരാതി ഉന്നയിച്ച ഓഫീസ് മാനേജരുടെ പരാതിയിലെ കാര്യങ്ങൾ പൂർണമായും പരിശോധിക്കാനുണ്ടെന്നും ടിനി ടോം കൂട്ടിച്ചേർത്തു.