കണ്ണൂർ : തനിക്കെതിരെ കെ സുധാകരനും ശോഭാസുരേന്ദ്രനും ഗൂഢാലോചന നടത്തുകയാണെന്ന് എൽ ഡിഎഫ് കൺവീനർ ഇപി ജയരാജൻ . വോട്ട് രേഖപ്പെടുത്തിയ ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
ജയരാജൻ ബിജെപിയിൽ ചേരാൻ ശ്രമിച്ചെന്ന ആരോപണത്തോട് പ്രതികരിക്കുകയായിരുന്നു അദ്ദേഹം. ഇരുവരും തെറ്റിദ്ധരിപ്പിക്കാൻ ശ്രമിക്കുകയാണ്. മറുപടി പറയാൻ സമയമില്ലാത്ത ഘട്ടത്തിലായിരുന്നു ആക്ഷേപം.
ഒരിക്കല്പോലും നേരിട്ട് ശോഭാ സുരേന്ദ്രനുമായി സംസാരിച്ചിട്ടില്ല. ഉമ്മന്ചാണ്ടിയുടെ സംസ്കാര ചടങ്ങിന്റെ ഭാഗമായി കോട്ടയത്ത് വച്ച് കണ്ടിരുന്നു.
തന്റെ മകനും ശോഭയുമായി ഒരു ബന്ധവുമില്ല. മകന് രാഷ്ട്രീയത്തിലില്ല. എറണാകുളത്ത് ഒരു വിവാഹത്തിന് പോയപ്പോള് ഹോട്ടലിന്റെ റിസപ്ഷനില് വെച്ച് കണ്ടു. അന്ന് നമ്പര് വാങ്ങി പിന്നീട് ശോഭ മകനെ ബന്ധപ്പെട്ടിരുന്നു.
പ്രകാശ് ജാവദേക്കറെ കണ്ടിരുന്നു. എന്നെ കാണാന് മകന്റെ ഫ്ളാറ്റിലാണ് വന്നത്. ഞാന് ഫ്ളാറ്റില് ഉള്ളപ്പോള് മുന്നറിയിപ്പ് ഇല്ലാതെയാണ് കയറി വന്നത്. രാഷ്ട്രീയ കാര്യങ്ങള് സംസാരിച്ചിട്ടില്ല. സംസാരിച്ചാല് രാഷ്ട്രീയം മാറില്ല- ജയരാജൻ പറഞ്ഞു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്