കല്ലടിക്കോട് അപകടം; കാര്‍ ഓടിച്ച അധ്യാപികയ്‌ക്കെതിരെ കേസ്

JUNE 19, 2025, 12:06 AM

പാലക്കാട്: കല്ലടിക്കോട് ചുങ്കത്തുണ്ടായ വാഹനാപകടത്തില്‍ കാറോടിച്ച അധ്യാപികയ്‌ക്കെതിരെ കേസെടുത്തതായി റിപ്പോർട്ട്. കല്ലടിക്കോട് മേലേപ്പയ്യാനി സ്വദേശി രജനിക്കെതിരെയാണ് കേസെടുത്തത്.

ദേശീയപാതയിലേക്ക് കയറുമ്പോള്‍ വാഹനം നിര്‍ത്തി ശ്രദ്ധിച്ചുപോകാത്തതും വലതുവശത്ത് നിന്നും മറ്റൊരു വാഹനം മുന്നിലേക്ക് കയറിയപ്പോകുമ്പോള്‍ കാര്‍ അമിതവേഗത്തിലെത്തി ഇടിച്ചതുമാണ് അപകടകാരണമെന്നാണ് പൊലീസ് പറയുന്നത്. കാറിന്റെ മുന്നിലൂടെ കടന്ന ബൈക്കിന്റെ പിന്‍ചക്രത്തിലാണ് കാറിടിച്ചത്.

അശ്രദ്ധമായി വാഹനമോടിച്ചെന്നാരോപിച്ച് മനപൂര്‍വമല്ലാത്ത നരഹത്യയ്ക്കാണ് കേസെടുത്തത് എന്നാണ് പുറത്തു വരുന്ന റിപ്പോർട്ട്. രജനിയെ സ്റ്റേഷന്‍ ജാമ്യത്തില്‍ വിട്ടയച്ചു.