ആലപ്പുഴ: ഉസ്ബെക്കിസ്ഥാനിലെ ബുഖാറ സ്റ്റേറ്റ് മെഡിക്കല് യൂണിവേഴ്സിറ്റിയിലെ ഒന്നാംവര്ഷ എംബിബിഎസ് വിദ്യാര്ത്ഥി സാവരിയ ബസന്തിന്റെ കൊലപാതകം ക്രൈംബ്രാഞ്ചിന്.
തലച്ചോറിലെ രക്തസ്രാവമാണ് സാവരിയയുടെ മരണത്തിന് കാരണമെന്നാണ് പോസ്റ്റുമോര്ട്ടം റിപ്പോര്ട്ട്. തലയ്ക്ക് പിന്നില് രണ്ട് തവണ അടിച്ചതിന്റെ അടയാളങ്ങളുണ്ട്. നട്ടെല്ലിന് ക്ഷതമേറ്റിട്ടുണ്ട്. പുറത്തും വയറ്റിലും ചവിട്ടേറ്റതിന്റെ പാടുകളുണ്ടെന്നും പോസ്റ്റ്മോര്ട്ടം റിപ്പോര്ട്ടില് പറയുന്നു.
സംഭവവുമായി ബന്ധപ്പെട്ട് മലപ്പുറം പെരിന്തല്മണ്ണ സ്വദേശിയും സാവരിയയുടെ സഹപാഠിയുമായിരുന്ന സദറുല് അനവിനെ ഉസ്ബെക്കിസ്ഥാന് പൊലീസ് ഇതിനോടകം അറസ്റ്റ് ചെയ്തിട്ടുണ്ട്.
ആഭ്യന്തരമന്ത്രി രമേശ് ചെന്നിത്തല ഹരിപ്പാട്ടെ സാവരിയയുടെ വീട്ടിലെത്തി കുടുംബത്തെ കണ്ടു. പ്രതിയെ വെറുതെവിടില്ലെന്ന ഉറപ്പ് മന്ത്രി കുടുംബത്തിന് നല്കി.
ആന്തരിക അവയവങ്ങള് ഫോറന്സിക് പരിശോധനയ്ക്ക് അയച്ചിരിക്കുകയാണ്. ഫോറന്സിക് പരിശോധനാഫലം ലഭിച്ച ശേഷമായിരിക്കും വിശദമായ പോസ്റ്റ്മോര്ട്ടം റിപ്പോര്ട്ട് പുറത്തുവിടുക.
ജൂലൈ മൂന്നിനാണ് കോളേജ് ഹോസ്റ്റലില്വെച്ച് ആലപ്പുഴ ഹരിപ്പാട് സ്വദേശിനിയായ സാവരിയ(22) കൊല്ലപ്പെട്ടത്. ഹരിപ്പാട് പിലാപ്പുഴ പുതുക്കാട്ട് സുപ്രഭ ഭവനത്തില് ബസന്ത്- മിനി സുപ്രഭ ദമ്പതികളുടെ മകളാണ് സാവരിയ. പ്രതി സദറുല് അനം മുമ്പും പെണ്കുട്ടിയെ ഉപദ്രവിച്ചിരുന്നുവെന്ന് സംശയമുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260711021520.jpg)
-20260711015211.jpg)
-20260710033947.jpg)
-20201002124553.jpg)
-20260319121733.jfif)
