വാഷിംഗ്ടണ്‍: യു.എസ് കോണ്‍ഗ്രസ് വുമണ്‍ ഇല്‍ഹാന്‍ ഒമറുടെ വാഷിംഗ്ടണ്‍ ഡി.സി.യിലെ വസതിയില്‍ ഫെഡറല്‍ ഏജന്‍സികള്‍ നടത്തിയ റെയ്ഡ് വന്‍ വിവാദങ്ങള്‍ക്ക് വഴിവെച്ചിരിക്കുന്നു. സഹോദരിയുടെ ഫോണിലെ ഒരു സന്ദേശവും ചവറ്റുകുട്ടയില്‍ നിന്ന് ശേഖരിച്ച ഡി.എന്‍.എ തെളിവുകളുമാണ് ഈ റെയ്ഡിന് ആധാരമായതെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
1995-ല്‍ സോമാലിയന്‍ ആഭ്യന്തര യുദ്ധത്തെ തുടര്‍ന്ന് അഭയാര്‍ത്ഥികളായി യു.എസില്‍ എത്തിയ ഇല്‍ഹാന്‍ ഒമറും കുടുംബവും കുടിയേറ്റ നിയമങ്ങള്‍ ലംഘിച്ചോ എന്നറിയുന്നതിനാണ് ഈ അന്വേഷണം. കഴിഞ്ഞ ആഴ്ച ഹോംലാന്‍ഡ് സെക്യൂരിറ്റിയുടെ അപേക്ഷ അനുസരിച്ച് ഫെഡറല്‍ ജഡ്ജിയാണ് റെയ്ഡിന് അനുമതി നല്‍കിയത്. തുടര്‍ന്ന് ഇല്‍ഹാന്റെ ഫോണ്‍, പാസ്പോര്‍ട്ട്, നോട്ട്ബുക്കുകള്‍, കമ്പ്യൂട്ടറുകള്‍ എന്നിവ ഉദ്യോഗസ്ഥര്‍ പിടിച്ചെടുത്തു.
ഈ വര്‍ഷത്തിന്റെ തുടക്കത്തില്‍ ഒമറുടെ സഹോദരി സാഹ്‌റ നൂരിന്റെ ഫോണ്‍ ഫെഡറല്‍ അന്വേഷണ ഉദ്യോഗസ്ഥര്‍ പിടിച്ചെടുത്തിരുന്നു. ഇതിലെ കുടുംബാംഗങ്ങളുടെ വാട്‌സാപ്പ്/ടെക്സ്റ്റ് സന്ദേശങ്ങളാണ് റെയ്ഡിനുള്ള അനുമതി നേടാന്‍ ഉദ്യോഗസ്ഥരെ സഹായിച്ചത്. കൂടാതെ, റെയ്ഡിന് മുന്നോടിയായി ഒമറുടെ വീടിന്റെ ചവറ്റുകുട്ടയില്‍ നിന്ന് ഡി.എന്‍.എ സാമ്പിളുകളും ശേഖരിച്ചതായി വൃത്തങ്ങള്‍ പറയുന്നു.
തന്റെ പുതിയ പുസ്തകമായ സോള്‍ട്ട് ഇന്‍ ദി സ്‌നോ: എ സോമാലിയന്‍ ഇമ്മിഗ്രന്റ് സ്റ്റോറിയുടെ പ്രൊമോഷനുമായി ബന്ധപ്പെട്ട് റോച്ചസ്റ്ററില്‍ നടക്കേണ്ടിയിരുന്ന പരിപാടിയില്‍ നിന്ന് കുടുംബപരമായ അടിയന്തിര സാഹചര്യം ചൂണ്ടിക്കാട്ടി സാഹ്‌റ നൂര്‍ അവസാന നിമിഷം പിന്മാറി. അതേസമയം, അന്വേഷണത്തെക്കുറിച്ചുള്ള ചോദ്യങ്ങള്‍ക്ക് നേരിട്ട് മറുപടി നല്‍കാന്‍ ഒമറുടെ വക്താവ് ജാക്കി റോജേഴ്‌സ് തയ്യാറായില്ല. മുന്‍ പ്രസിഡന്റ് ഡൊണാള്‍ഡ് ട്രംപിന്റെ നേതൃത്വത്തിലുള്ള രാഷ്ട്രീയ പകപോക്കലിന്റെ ഭാഗമാണ് ഈ നടപടിയെന്നും, കോണ്‍ഗ്രസ് വുമനെതിരെ അടിസ്ഥാനരഹിതമായ നുണകള്‍ പ്രചരിപ്പിക്കുകയാണെന്നും വക്താവ് ആരോപിച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261019041548.jpg)
-20260224035156.jpg)
