ട്രാഫിക് പിഴയിൽ 2.96 ലക്ഷം രൂപയുടെ തിരിമറി; മുൻ എസ്‌ഐക്കെതിരെ വിജിലൻസ് കേസ്

OCTOBER 19, 2026, 5:27 AM

കാസർകോട്: ട്രാഫിക് പിഴയായി പിരിച്ചെടുത്ത 2.96 ലക്ഷം രൂപ തട്ടിയെടുത്തെന്ന ആരോപണത്തിൽ മുൻ എസ്‌ഐ അരുൺ മോഹനെതിരെ വിജിലൻസ് കേസെടുത്തു. ബേക്കൽ, മേൽപ്പറമ്പ്, വെള്ളരിക്കുണ്ട് പൊലീസ് സ്റ്റേഷനുകളിൽ ജോലി ചെയ്തിരുന്ന കാലത്തെ സാമ്പത്തിക ക്രമക്കേടുകളുമായി ബന്ധപ്പെട്ടാണ് നടപടി.

പിഴ അടച്ചിട്ടും ഇ-ചെല്ലാൻ രേഖകളിൽ കുടിശ്ശിക നിലനിൽക്കുന്നതായി കണ്ടെത്തിയതോടെയാണ് ക്രമക്കേട് പുറത്തുവന്നത്. പിഴയിനത്തിൽ പിരിച്ചെടുത്ത തുകയിൽ തിരിമറി നടന്നിട്ടുണ്ടെന്നാണ് ആരോപണം.

സംഭവവുമായി ബന്ധപ്പെട്ട് ഉദ്യോഗസ്ഥന്റെയും ബന്ധുക്കളുടെയും ബാങ്ക് അക്കൗണ്ടുകൾ വിജിലൻസ് പരിശോധിച്ചുവരികയാണ്. സാമ്പത്തിക ഇടപാടുകൾ സംബന്ധിച്ച പരിശോധനയുടെ അടിസ്ഥാനത്തിൽ തുടർനടപടികൾ സ്വീകരിക്കും