ഗൾഫിൽ നിന്നും നാട്ടിൽ എത്തിയത് ആഴ്ചകൾക്ക് മുൻപ്; കാസർഗോഡ് യുവതി ട്രെയിന്‍ തട്ടി മരിച്ച നിലയില്‍

JULY 6, 2025, 6:27 AM

കാസർഗോഡ് യുവതിയെ ട്രെയിന്‍ തട്ടി മരിച്ച നിലയില്‍ കണ്ടെത്തിയതായി റിപ്പോർട്ട്. തൃക്കരിപ്പൂര്‍ പേക്കടത്തെ പരേതനായ രാജന്റെ മകള്‍ അമൃതരാജ് (27) ആണ് മരിച്ചത്. മൃതദേഹം കാണപെട്ട റെയില്‍പാളത്തിനടുത്തായി യുവതിയുടെ കാര്‍ കണ്ടെത്തി. ഇന്നലെ ഉച്ചയോടെയാണ് സംഭവം ഉണ്ടായത്.

ഗള്‍ഫിലായിരുന്ന യുവതി ഏതാനും ആഴ്ചകള്‍ക്ക് മുൻപ് ആണ് നാട്ടിലെത്തിയത്. കാഞ്ഞങ്ങാട് അരിമല ആശുപതിയിലെ നഴ്‌സായിരുന്നു അമൃത. എഴ് മാസം മുൻപ് വിവാഹത്തോടനുബന്ധിച്ചാണ് ആശുപ്രതിയില്‍ നിന്നും ജോലി ഒഴിവായത്.

തൃക്കരിപ്പൂര്‍ സ്റ്റേഷനില്‍ നിന്നും ഇരുന്നൂര്‍ മീറ്റര്‍ വടക്ക് മാറി സെന്റ് പോള്‍സ് സ്‌കൂളിന് സമീപം റെയില്‍വെ ട്രാക്കിലാണ് മൃതദേഹം കണ്ടത്. സമീപം കാര്‍ ഉപേക്ഷിച്ച നിലയില്‍ കണ്ടെത്തിയിരുന്നു. തുടര്‍ന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയത്.