പാലാരിവട്ടം എസ്ഐ കെ.കെ ബൈജു യുവാവിനെ ഭീഷണിപ്പെടുത്തുന്ന ശബ്ദരേഖ പുറത്ത്

NOVEMBER 25, 2025, 12:51 AM

പാലാരിവട്ടം: പാലാരിവട്ടം എസ്ഐ കെ.കെ ബൈജു ആലപ്പുഴ സ്വദേശിയായ യുവാവിനെ ഭീഷണപ്പെടുത്തുന്ന ഫോണ്‍ സംഭാഷണം പുറത്ത്.

കൊച്ചിയിൽ സിപിഒയെ ബ്ലാക്ക് മെയിൽ ചെയ്ത് പണം തട്ടിയ കേസിലെ പ്രതിയാണ് എസ്ഐ കെ.കെ ബൈജു.

ബൈജുവിനെതിരെ യുവാവ് ഡിജിപിക്ക് പരാതി നൽകിയിരുന്നു. കേസ് ഒത്തുതീർപ്പാക്കിയില്ലെങ്കിൽ ജോലി പോകുമെന്നും ഭാവി തകരുമെന്നും ബൈജു യുവാവിനെ ഭീഷണിപ്പെടുത്തുന്ന ഫോണ്‍ സംഭാഷണമാണ് പുറത്ത് വന്നിരിക്കുന്നത്.

സിപിഒയുടെ പരാതിയിൽ സസ്പെൻഷനിലാണ് കെ.കെ ബൈജു. 'നിന്റെ ഭാവി തന്നെയാണ് പോകുന്നത്. സർക്കാർ ജോലിക്കാരനാണ് നീ. നിനക്കാണ് നഷ്ടം അവർ വേറെ പരാതി നൽകിയാൽ നിനക്കെതിരെ റിപ്പോർട്ട് നൽകുമെന്നാണ്' യുവാവിനെ ബൈജു യുവാവിനെ ഭീഷണിപ്പെടുത്തുന്നത്.

തന്നെ പ്രതിയാക്കി വ്യാജ കേസ് എടുത്തെന്നും ഒഴിവാക്കാൻ പണം ആവശ്യപ്പെട്ട് ഭീഷണിപ്പെടുത്തിയെന്നും യുവാവിന്‍റെ പരാതിയിൽ പറയുന്നു. വിവാഹ വാഗ്ദാനം നൽകി യുവതിയെ പീഡിപ്പിച്ചെന്നും സ്വർണവും പണവും തട്ടിയെന്നുമാണ് യുവാവിനെതിരെയുള്ള കേസ്.