ഭക്ഷ്യവിഷബാധയോ വൈറൽ പനിയോ?; വയനാട്ടിൽ 40ഓളം വിദ്യാർത്ഥികൾ ആശുപത്രിയിൽ

JUNE 6, 2026, 12:52 AM

കൽപ്പറ്റ: പനിയും ഛർദ്ദിയും അനുഭവപ്പെട്ടതിനെ തുടർന്ന് വയനാട്ടിൽ 40ഓളം വിദ്യാർത്ഥികളെ ആശുപത്രിയിൽ പ്രവേശിപ്പിച്ചു. ബത്തേരിയിലെ കോളിയാടി മാർ ബസേലിയോസ് എ.യു.പി. സ്‌കൂളിലെ വിദ്യാർത്ഥികളാണ് വിവിധ ആശുപത്രികളിൽ ചികിത്സയിൽ കഴിയുന്നത്.

വിദ്യാർത്ഥികൾക്ക് ആരോഗ്യപ്രശ്നങ്ങൾ അനുഭവപ്പെട്ടതിനെ തുടർന്ന് സ്കൂൾ അധികൃതരും ആരോഗ്യവകുപ്പും അടിയന്തര ഇടപെടൽ നടത്തി. രോഗലക്ഷണങ്ങൾ ഒരേസമയം നിരവധി കുട്ടികളിൽ കണ്ടതോടെ ആരോഗ്യവകുപ്പ് അന്വേഷണം ആരംഭിച്ചു.

സംഭവത്തിന് കാരണം ഭക്ഷ്യവിഷബാധയാണോ വൈറൽ പനിയാണോ എന്ന കാര്യത്തിൽ ഇതുവരെ വ്യക്തത വന്നിട്ടില്ല. രോഗത്തിന്റെ ഉറവിടം കണ്ടെത്തുന്നതിനായി വിശദമായ പരിശോധനകൾ പുരോഗമിക്കുകയാണ്.

ആരോഗ്യവകുപ്പ് ഉദ്യോഗസ്ഥർ ആവശ്യമായ സാമ്പിളുകൾ ശേഖരിച്ചിട്ടുണ്ടെന്നും ലബോറട്ടറി പരിശോധനാഫലം ലഭിച്ചതിന് ശേഷമേ രോഗകാരണം സംബന്ധിച്ച് അന്തിമ നിഗമനത്തിലെത്താനാകൂവെന്നും അധികൃതർ അറിയിച്ചു. വിദ്യാർത്ഥികളുടെ ആരോഗ്യനില പൊതുവെ തൃപ്തികരമാണെന്നാണ് ലഭിക്കുന്ന വിവരം.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്