മുംബൈ: നിയമസഭ തെരഞ്ഞെടുപ്പ് നടക്കുന്ന മഹാരാഷ്ട്രയില്‍ മഹാവികാസ് അഘാടി വൻ വിജയ നേടുമെന്ന് ഗുസ്തി താരവും ഹരിയാനയിലെ കോണ്‍ഗ്രസ് എംഎല്‍എയുമായ വിനേഷ് ഫോഗട്ട്.

"മഹാരാഷ്ട്രയില്‍ മഹാവികാസ് അഘാടി വിജയം ഉറപ്പിച്ച്‌ കഴിഞ്ഞു. ബിജെപിയുടെ സഖ്യത്തിനെ ജനങ്ങള്‍ക്ക് മടുത്തു. തെരഞ്ഞെടുക്കപ്പെടുന്ന സർക്കാരുകളെ കേന്ദ്ര ഭരണത്തിന്‍റെ സ്വാധീനം ഉപയോഗിച്ച്‌ താഴെ ഇറക്കുന്ന ബിജെപിയുടെ ജനാധിപത്യ വിരുദ്ധമായ നടപടികള്‍ക്കെതിരെ ശക്തമായ വിധിയെഴുത്തുണ്ടാകും.'- വിനേഷ് ഫോഗട്ട് പറഞ്ഞു.

സംസ്ഥാനത്തെ ജനങ്ങള്‍ മഹാവികാസ് അഘാടിക്കൊപ്പമാണെന്നും വിനേഷ് പറഞ്ഞു. പൂനെയില്‍ കോണ്‍ഗ്രസ് സ്ഥാനാർഥിയുടെ പ്രചാരണത്തിനിടെയായായിരുന്നു വിനേഷിന്‍റെ പ്രതികരണം.  288 മണ്ഡലങ്ങളാണ് മഹാരാഷ്ട്രയില്‍ ഉള്ളത്. ബുധനാഴ്ചയാണ് വോട്ടെടുപ്പ്. 23നാണ് വോട്ടെണ്ണല്‍.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്