ന്യൂഡെല്‍ഹി: മണിപ്പൂരില്‍ അക്രമം രൂക്ഷമായ സാഹചര്യത്തില്‍ സുരക്ഷാ വിന്യാസം ശക്തമാക്കാന്‍ ആഭ്യന്തര മന്ത്രാലയം തീരുമാനിച്ചു. കേന്ദ്ര ആഭ്യന്തര മന്ത്രി അമിത് ഷായുടെ നേതൃത്വത്തില്‍ തിങ്കളാഴ്ച നടന്ന ഉന്നതതല യോഗം സംസ്ഥാനത്തെ സ്ഥിതിഗതികള്‍ ചര്‍ച്ച ചെയ്തു. സംസ്ഥാനത്തിന്റെ സുരക്ഷാ പ്രശ്നങ്ങള്‍ സംബന്ധിച്ച് ആഭ്യന്തര മന്ത്രിയുടെ നേതൃത്വത്തില്‍ തുടര്‍ച്ചയായ രണ്ടാം ദിവസമാണ് ചര്‍ച്ചകള്‍ നടക്കുന്നത്.

മണിപ്പൂരിലെ സുരക്ഷാ വിന്യാസം ആഭ്യന്തരമന്ത്രി അവലോകനം ചെയ്തു, മേഖലയില്‍ സമാധാനവും ക്രമവും നിലനിര്‍ത്താന്‍ കേന്ദ്ര സായുധ പോലീസ് സേനയ്ക്കും (സിഎപിഎഫ്) സംസ്ഥാന പോലീസ് ഉദ്യോഗസ്ഥര്‍ക്കും നിര്‍ദ്ദേശം നല്‍കി. സിഎപിഎഫിന്റെ 50 കമ്പനികള്‍ കൂടി കേന്ദ്രം സംസ്ഥാനത്തേക്ക് അയയ്ക്കുന്നുണ്ട്. നേരത്തെ 20 കമ്പനികളെ വിന്യസിച്ചതിന് പുറമെയാണിത്. 

ശനിയാഴ്ച മണിപ്പൂരില്‍ മെയ്‌തെയ് വിഭാഗത്തില്‍ പെട്ട ആറുപേരുടെ കൊലപാതകത്തിന് ശേഷം പുതിയതായി പ്രതിഷേധം പൊട്ടിപ്പുറപ്പെടുകയായിരുന്നു. കുക്കി തീവ്രവാദികള്‍ തട്ടിക്കൊണ്ടുപോയ കുമൂന്ന് കുട്ടികളുടെയും മൂന്ന് സ്ത്രീകളുടെയും മൃതദേഹങ്ങള്‍ ജിരിബാം ജില്ലയില്‍ കണ്ടെത്തുകയായിരുന്നു.

പ്രതിഷേധത്തെത്തുടര്‍ന്ന്, അക്രമബാധിതമായ മണിപ്പൂരിലെ ഇംഫാല്‍ വെസ്റ്റിലും ഇംഫാല്‍ ഈസ്റ്റിലും കര്‍ഫ്യൂ ഏര്‍പ്പെടുത്തുകയും ഏഴ് ജില്ലകളില്‍ ഇന്റര്‍നെറ്റ് സേവനങ്ങള്‍ താല്‍ക്കാലികമായി നിര്‍ത്തിവെയ്ക്കുകയും ചെയ്തു.

എങ്കിലും ഞായറാഴ്ച മണിപ്പൂരില്‍ പ്രതിഷേധങ്ങളും അക്രമങ്ങളും വര്‍ദ്ധിച്ചു, ജനക്കൂട്ടത്തെ നിയന്ത്രിക്കാന്‍ സുരക്ഷാ സേന വെടിയുതിര്‍ത്തതിനെത്തുടര്‍ന്ന് സംസ്ഥാനത്തെ ജിരിബാം ജില്ലയില്‍ 20 വയസ്സുകാരര്‍ മരിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്