മുംബൈ: സെക്യൂരിറ്റീസ് ആന്‍ഡ് എക്സ്ചേഞ്ച് ബോര്‍ഡ് ഓഫ് ഇന്ത്യ (സെബി), ബോംബെ സ്റ്റോക്ക് എക്സ്ചേഞ്ച് (ബിഎസ്ഇ) മുന്‍ ഉദ്യോഗസ്ഥര്‍ക്കെതിരെ എഫ്‌ഐആര്‍ രജിസ്റ്റര്‍ ചെയ്യാന്‍ മുംബൈ സെഷന്‍സ് കോടതി പുറപ്പെടുവിച്ച ഉത്തരവിന്മേല്‍ ചൊവ്വാഴ്ച വരെ നടപടിയെടുക്കരുതെന്ന് മഹാരാഷ്ട്ര അഴിമതി വിരുദ്ധ ബ്യൂറോയോട് (എസിബി) ബോംബെ ഹൈക്കോടതി നിര്‍ദേശിച്ചു. മുന്‍ സെബി ചെയര്‍പേഴ്സണ്‍ മാധബി പുരി ബുച്ച്, മുഴുവന്‍ സമയ അംഗങ്ങളായ അശ്വനി ഭാട്ടിയ, അനന്ത് നാരായണ്‍, കമലേഷ് ചന്ദ്ര വര്‍ഷ്ണി, ബിഎസ്ഇ ചെയര്‍മാന്‍ പ്രമോദ് അഗര്‍വാള്‍, സിഇഒ സുന്ദരരാമന്‍ രാമമൂര്‍ത്തി എന്നിവര്‍ വ്യക്തിഗതമായി ഹൈക്കോടതിയില്‍ ഹര്‍ജി സമര്‍പ്പിച്ചിരുന്നു.
സോളിസിറ്റര്‍ ജനറല്‍ തുഷാര്‍ മേത്തയും മുതിര്‍ന്ന അഭിഭാഷകന്‍ അമിത് ദേശായിയും അടിയന്തര വാദം കേള്‍ക്കുന്നതിനുള്ള ചില ഹര്‍ജികള്‍ പരാമര്‍ശിച്ചതിന് ശേഷമാണ് ജസ്റ്റിസ് ശിവകുമാര്‍ ദിഗെയുടെ സിംഗിള്‍ ജഡ്ജി ബെഞ്ച് ഈ നിര്‍ദ്ദേശം പുറപ്പെടുവിച്ചത്. ഹര്‍ജികള്‍ തിങ്കളാഴ്ച രാവിലെയും ഫയല്‍ ചെയ്യുന്ന പ്രക്രിയയിലാണെന്ന് അഭിഭാഷകര്‍ ചൂണ്ടിക്കാട്ടി.
സെഷന്‍സ് കോടതിയുടെ ഉത്തരവ് നിയമപരമായി നിലനില്‍ക്കുന്നതല്ലെന്നും പരാതികളില്‍ പേരുള്ള ഉദ്യോഗസ്ഥര്‍ക്ക് നോട്ടീസ് പോലും നല്‍കിയിട്ടില്ലെന്നും സെബി, ബിഎസ്ഇ അംഗങ്ങളെ പ്രതിനിധീകരിച്ച് മേത്തയും ദേശായിയും വാദിച്ചു. അതുവരെ സെഷന്‍സ് കോടതിയുടെ ഉത്തരവില്‍ നടപടിയെടുക്കരുതെന്ന് എസിബിയോട് നിര്‍ദ്ദേശിച്ച ജസ്റ്റിസ് ഡിഗെ ചൊവ്വാഴ്ച ഹര്‍ജികള്‍ കേള്‍ക്കാന്‍ സമ്മതിച്ചു.
സ്റ്റോക്ക് എക്സ്ചേഞ്ചില്‍ ഒരു കമ്പനിയുടെ ലിസ്റ്റിംഗില്‍ വന്‍തോതിലുള്ള സാമ്പത്തിക തട്ടിപ്പും അഴിമതിയും ആരോപിച്ച് താനെ ആസ്ഥാനമായുള്ള മാധ്യമപ്രവര്‍ത്തകന്‍ സപന്‍ ശ്രീവാസ്തവ സമര്‍പ്പിച്ച പരാതിയില്‍ എഫ്‌ഐആര്‍ രജിസ്റ്റര്‍ ചെയ്യാന്‍ സെഷന്‍സ് കോടതി ഉത്തരവിട്ടിരുന്നു. സെബി ഉദ്യോഗസ്ഥര്‍ അവരുടെ നിയമപരമായ കര്‍ത്തവ്യത്തില്‍ പരാജയപ്പെട്ടു, മാര്‍ക്കറ്റ് കൃത്രിമം സുഗമമാക്കി, റെഗുലേറ്ററി മാനദണ്ഡങ്ങള്‍ പാലിക്കാത്ത ഒരു കമ്പനിയുടെ ലിസ്റ്റിംഗ് അനുവദിച്ചുകൊണ്ട് കോര്‍പ്പറേറ്റ് വഞ്ചന നടത്തി എന്നാണ് പരാതി്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20250303025428.jpg)
-20250303022604.jpg)
-20250303021752.jpg)
