കേരളത്തിൽ ബിജെപി നേട്ടമുണ്ടാക്കുമെന്നാവർത്തിച്ച് അമിത് ഷാ

FEBRUARY 9, 2024, 6:54 AM

ഡൽഹി: കേരളത്തോടുള്ള കേന്ദ്രഅവഗണനയിൽ പ്രതിഷേധിച്ച് കഴിഞ്ഞ ദിവസം പിണറായി സർക്കാർ രാജ്യതലസ്ഥാനത്ത് പ്രതിഷേധ പരിപാടികൾ സംഘടിപ്പിച്ചിരുന്നു. ഇതിന് പിന്നാലെ കേന്ദ്ര ആഭ്യന്തരമന്ത്രി അമിത് ഷാ പ്രമുഖ മലയാളം ദിനപത്രത്തിന് കൊടുത്ത അഭിമുഖം ശ്രദ്ധ നേടുകയാണ്.

വരുന്ന ലോക്സഭാ തിരഞ്ഞെടുപ്പിൽ കേരളത്തിൽ ബിജെപി നേട്ടമുണ്ടാക്കുമെന്നും ബിജെപിയും സിപിഎമ്മുമായി കേരളത്തിൽ ധാരണയുണ്ടെന്ന ആരോപണം തെറ്റാണെന്നും അദ്ദേഹം പറയുന്നു.

മുഖ്യമന്ത്രി പിണറായി വിജയനെതിരായ ആരോപണങ്ങൾ കോടതിയിലാണെന്നും ഞങ്ങളുടെ ഭാഗത്തുനിന്ന് എന്തെങ്കിലും നടപടിയുണ്ടായാൽ മാധ്യമങ്ങൾ രാഷ്ട്രീയപകപോക്കലെന്നു വിളിക്കുമെന്നും അമിത് ഷാ കൂട്ടിച്ചേർത്തു.