തിരുവനന്തപുരം: ആയുഷ്മാന്‍ ഭാരത് പദ്ധതിയിലൂടെ, 70 വയസ്സു കഴിഞ്ഞവര്‍ക്ക് ആരോഗ്യ ഇന്‍ഷുറന്‍സ് പരിരക്ഷ നല്‍കുന്നതിനുള്ള രജിസ്‌ട്രേഷന്‍ അക്ഷയ കേന്ദ്രങ്ങള്‍ വഴി നടത്താന്‍ ആലോചന.

കേന്ദ്രത്തിന്റെ പദ്ധതിരേഖ ലഭിച്ചശേഷം തീരുമാനമുണ്ടാകും. അഞ്ച് ലക്ഷം രൂപയുടെ പരിരക്ഷയാവും ലഭിക്കുക. ആയുഷ്മാന്‍ ഭാരതിനെ സംസ്ഥാന സര്‍ക്കാരിന്റെ കാരുണ്യ ആരോഗ്യ ഇന്‍ഷുറന്‍സ് പദ്ധതിയില്‍ (കാസ്പ്) ലയിപ്പിച്ചാണു നടപ്പാക്കുന്നത്.

സംസ്ഥാനം 1000 കോടി രൂപ ചെലവഴിക്കുമ്ബോള്‍ 151 കോടി രൂപയാണു കേന്ദ്രം അനുവദിക്കുക. സംസ്ഥാനത്ത്, 70 വയസ്സു കഴിഞ്ഞവരുടെ എണ്ണം സംബന്ധിച്ച്‌ സര്‍ക്കാരിന്റെ കൈവശം കൃത്യമായ രേഖകളില്ല.

കേന്ദ്രത്തിൽ നിന്ന് വിഹിതം ലഭിക്കുന്നതിന് കൃത്യമായ കണക്കുകൂട്ടൽ ആവശ്യമായതിനാൽ രജിസ്ട്രേഷൻ വഴിയാണ് വിവരങ്ങൾ ശേഖരിക്കുന്നത്. സാമൂഹികമായും സാമ്പത്തികമായും പിന്നാക്കം നിൽക്കുന്ന 41.99 ലക്ഷം കുടുംബങ്ങൾ നിലവിൽ സിഎഎസ്പിയിൽ അംഗങ്ങളാണ്.

ഈ കുടുംബങ്ങളിലെ 70 വയസ്സ് കഴിഞ്ഞവർക്ക് അഞ്ച് ലക്ഷം രൂപയുടെ അധിക പരിരക്ഷ നൽകാനാണ് കേന്ദ്രത്തിൻ്റെ തീരുമാനം. സാമ്പത്തികമായി മെച്ചപ്പെട്ട കുടുംബങ്ങളിലുള്ള 70 കഴിഞ്ഞ എല്ലാവര്‍ക്കും പരിരക്ഷ ഉറപ്പാക്കും.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്