കോപ്പിയടിക്കാൻ സമ്മതിച്ചില്ല; സഹപാഠിയെ കുത്തി പരിക്കേൽപ്പിച്ചു പത്താം ക്ലാസ് വിദ്യാർത്ഥികൾ

MARCH 28, 2024, 3:23 PM

സഹപാഠിയെ പത്താം ക്ലാസ് വിദ്യാർത്ഥികൾ കുത്തി പരിക്കേൽപ്പിച്ചതായി റിപ്പോർട്ട്. മഹാരാഷ്ട്രയിലെ താനെ ജില്ലയിലാണ് സംഭവം ഉണ്ടായത്. എഴുത്തു പരീക്ഷയ്ക്ക് ഉത്തരക്കടലാസ് കാണിച്ചു തന്നില്ലെന്ന് ആരോപിച്ചായിരുന്നു ആക്രമണം ഉണ്ടായത്.

മൂന്ന് കുട്ടികൾ ചേർന്ന് സഹപാഠിയെ മർദിച്ച ശേഷം കുത്തി വീഴ്ത്തുകയായിരുന്നു എന്നാണ് പുറത്തു വരുന്ന വിവരം. എസ്എസ്സി പരീക്ഷയ്ക്ക് ഉത്തരക്കടലാസ് നോക്കി കോപ്പിയടിക്കാൻ വിദ്യാർത്ഥി സമ്മതിച്ചില്ല. ഇതിൽ പ്രകോപിതരായ സഹപാഠികൾ വിദ്യാർത്ഥിയെ ആക്രമിക്കുകയായിരുന്നു എന്നാണ് പുറത്തു വരുന്ന വിവരം.

അതേസമയം പരിക്കേറ്റ വിദ്യാർത്ഥിയെ ആശുപത്രിയിൽ പ്രവേശിപ്പിച്ചിരിക്കുകയാണ്. നില ഗുരുതരമല്ല എന്നാണ് പുറത്തു വരുന്ന വിവരം. മാതാപിതാക്കളുടെ പരാതിയിൽ ശാന്തി നഗർ പൊലീസ് കേസെടുത്തിട്ടുണ്ട്.