വാട്ട്സ്ആപ്പ് ഡിലീറ്റ് ചെയ്യാന്‍ ഇറാന്‍ നിവാസികളോട് ആവശ്യപ്പെടുന്നത് എന്തുകൊണ്ട്? പ്രതികരണവുമായി വാട്ട്സ്ആപ്പ്

JUNE 18, 2025, 6:44 PM

ടെഹ്‌റാന്‍: ഇസ്രായേലും ഇറാനും തമ്മിലുള്ള സംഘര്‍ഷം വര്‍ദ്ധിച്ചുവരുന്ന സാഹചര്യത്തില്‍, ജനപ്രിയ മെസേജിംഗ് പ്ലാറ്റ്ഫോമായ വാട്ട്സ്ആപ്പുമായി ബന്ധപ്പെട്ട് ഇറാന്‍ തങ്ങളുടെ നിവാസികള്‍ക്ക് മറ്റൊരു നിര്‍ദ്ദേശം നല്‍കിയിട്ടുണ്ട്. സുരക്ഷയും സ്വകാര്യതയും കണക്കിലെടുത്താണ് ഇറാന്‍ സ്റ്റേറ്റ് ടെലിവിഷന്‍ വഴി വാട്ട്സ്ആപ്പ് ഡിലീറ്റ് ചെയ്യാന്‍ ജനങ്ങളോട് നിര്‍ദ്ദേശിച്ചത്.

വാട്ട്സ്ആപ്പ് ഡിലീറ്റ് ചെയ്യാന്‍ ഇറാന്‍ തങ്ങളുടെ നിവാസികള്‍ക്ക് നിര്‍ദ്ദേശം നല്‍കിയത് എന്തുകൊണ്ട്?

മെസേജിംഗ് പ്ലാറ്റ്ഫോം ഇസ്രായേലുമായി പങ്കിടാന്‍ ഉപയോക്തൃ വിവരങ്ങള്‍ ശേഖരിക്കുന്നുവെന്ന ആശങ്ക കണക്കിലെടുത്ത്, ചൊവ്വാഴ്ച ഉച്ചതിരിഞ്ഞ് ഇറാനിയന്‍ സ്റ്റേറ്റ് ടെലിവിഷന്‍ നിവാസികളോട് അവരുടെ സ്മാര്‍ട്ട്ഫോണുകളില്‍ നിന്ന് വാട്ട്സ്ആപ്പ് ഡിലീറ്റ് ചെയ്യാന്‍ ആവശ്യപ്പെടുകയായിരുന്നു. മറ്റ് 'ലൊക്കേഷന്‍ അധിഷ്ഠിത ആപ്ലിക്കേഷനുകള്‍' ഉപയോഗിക്കുന്നതില്‍ നിന്ന് ഇറാന്‍ നിവാസികള്‍ ഒഴിവാകണമെന്നും വിശദമാക്കിയിട്ടുണ്ട്.

അതേസമയം സ്വകാര്യതയുമായി ബന്ധപ്പെട്ട അവകാശവാദങ്ങളെ പിന്തുണയ്ക്കുന്നതിന് ടെലിവിഷന്‍ റിപ്പോര്‍ട്ട് ഒരു തെളിവും നല്‍കിയില്ല. ആഗോളതലത്തില്‍ ഇന്റര്‍നെറ്റ് ഭരണം നിരീക്ഷിക്കുന്ന ഒരു സംഘടനയായ നെറ്റ്‌ബ്ലോക്കിന്റെ അഭിപ്രായത്തില്‍, ഇറാന്‍ 'ഏകദേശം മൊത്തം ദേശീയ ഇന്റര്‍നെറ്റ് ബ്ലോക്ക്ഔട്ട്' അനുഭവിക്കുന്നുണ്ടെന്ന് റിപ്പോര്‍ട്ട് ചെയ്യപ്പെട്ടിട്ടുണ്ട്. മുമ്പ് ഉണ്ടായ നിരവധി ഭാഗിക തടസ്സങ്ങളെ തുടര്‍ന്നാണ് ഈ സംഭവം. ദിവസങ്ങളോളം തുടര്‍ച്ചയായി മിസൈല്‍ ആക്രമണങ്ങള്‍ നടന്നതിന് ശേഷം ഇസ്രായേലുമായുള്ള സൈനിക സംഘര്‍ഷങ്ങള്‍ വര്‍ദ്ധിച്ചുവരുന്ന സാഹചര്യത്തിലാണ് ഇത് സംഭവിക്കുന്നത്.

ഈ അവകാശവാദങ്ങളോട് വാട്ട്സ്ആപ്പ് എങ്ങനെയാണ് പ്രതികരിച്ചത്?

ഇറാനിയന്‍ സ്റ്റേറ്റ് ടെലിവിഷനില്‍ നിന്നുള്ള റിപ്പോര്‍ട്ടുകളെക്കുറിച്ച് മെറ്റാ ഉടമസ്ഥതയിലുള്ള മെസേജിംഗ് പ്ലാറ്റ്ഫോം ആശങ്കാകുലരാണെന്ന് ബുധനാഴ്ച രാവിലെ ഒരു വാട്ട്സ്ആപ്പ് വക്താവ് ടൈംസിനോട് പറഞ്ഞു. ആളുകള്‍ക്ക് ഏറ്റവും ആവശ്യമുള്ള സമയത്ത് ഞങ്ങളുടെ സേവനങ്ങള്‍ ബ്ലോക്ക് ചെയ്യപ്പെടുന്നതിന് ഈ തെറ്റായ റിപ്പോര്‍ട്ടുകള്‍ ഒരു ഒഴികഴിവായിരിക്കുമെന്ന് തങ്ങള്‍ ആശങ്കപ്പെടുന്നു. ഇമെയില്‍ ചെയ്ത പ്രസ്താവനയില്‍ പറയുന്നു.

വാട്ട്സ്ആപ്പില്‍ നിങ്ങള്‍ കുടുംബാംഗങ്ങള്‍ക്കും സുഹൃത്തുക്കള്‍ക്കും അയയ്ക്കുന്ന എല്ലാ സന്ദേശങ്ങളും എന്‍ഡ്-ടു-എന്‍ഡ് എന്‍ക്രിപ്റ്റ് ചെയ്തിരിക്കുന്നു. നിങ്ങളുടെ കൃത്യമായ ലൊക്കേഷന്‍ ഞങ്ങള്‍ ട്രാക്ക് ചെയ്യുന്നില്ല, എല്ലാവരും സന്ദേശമയയ്ക്കുന്നവരുടെ ലോഗുകള്‍ തങ്ങള്‍ സൂക്ഷിക്കുന്നില്ല. ആളുകള്‍ പരസ്പരം അയയ്ക്കുന്ന സ്വകാര്യ സന്ദേശങ്ങള്‍ തങ്ങള്‍ ട്രാക്ക് ചെയ്യുന്നില്ല. ഒരു സര്‍ക്കാരിനും തങ്ങള്‍ ബള്‍ക്ക് വിവരങ്ങള്‍ നല്‍കുന്നില്ലെന്നും കമ്പനി വ്യക്തമാക്കി.