ദുബായ്: നെസ്‌ലെ ബേബി പാൽ ഉൽപ്പന്നങ്ങൾ തിരിച്ചുവിളിക്കുന്നത് യുഎഇ വിപുലീകരിച്ചു. ദോഷകരമായ ബാക്ടീരിയയുടെ സാന്നിധ്യം കണ്ടെത്തിയതിനെത്തുടർന്ന് ‘S26 AR’ എന്ന ഉൽപ്പന്നം നിലവിലെ പട്ടികയിൽ ചേർത്തതായി എമിറേറ്റ്സ് ഡ്രഗ് എസ്റ്റാബ്ലിഷ്‌മെന്റ് അറിയിച്ചു.

S26 AR എന്ന ഉൽപ്പന്നത്തിന്റെ പുതുതായി തിരിച്ചുവിളിച്ച ബാച്ച് നമ്പറുകൾ 5185080661, 5271080661, 5125080661 എന്നിവയാണ്. ഉൽപാദന ഘട്ടത്തിൽ ഉപയോഗിക്കുന്ന അസംസ്കൃത വസ്തുവിൽ ബാസിലസ് സെറിയസ് എന്ന ബാക്ടീരിയയുടെ സാന്നിധ്യം കണ്ടെത്തിയതിനെ തുടർന്നാണ്  നടപടി സ്വീകരിച്ചത്. ഈ ബാക്ടീരിയ ഉത്പാദിപ്പിക്കുന്ന 'സിറ്യൂലൈഡ്' എന്ന വിഷവസ്തു വയറുവേദന, ഓക്കാനം, ഛർദ്ദി തുടങ്ങിയ ആരോഗ്യ പ്രശ്‌നങ്ങൾക്ക് കാരണമാകും.

ജനുവരി 7ന് പുറത്തിറക്കിയ ആദ്യ പട്ടികയിൽ NAN Comfort 1, NAN OPTIPRO 1, NAN SUPREME PRO 1, 2, 3S-26 Ultima 1, 2, 3, Alfamino എന്നിവ പിൻവലിച്ചിരുന്നു. വിതരണക്കാരുടെ പക്കലുള്ള ഈ ഉൽപ്പന്നങ്ങൾ പിടിച്ചെടുത്തു. ഓൺലൈൻ പ്ലാറ്റ്‌ഫോമുകൾ ഉൾപ്പെടെയുള്ള എല്ലാ വിപണന കേന്ദ്രങ്ങളിൽ നിന്നും ഇവ നീക്കം ചെയ്യാൻ നടപടി തുടങ്ങി. കാലാവസ്ഥാ വ്യതിയാന പരിസ്ഥിതി മന്ത്രാലയം വിപണിയിലുള്ള നെസ്‌ലെ ഉൽപ്പന്നങ്ങളുടെ സാമ്പിളുകൾ ശേഖരിച്ച് പരിശോധന നടത്തിവരികയാണ്. 

നിങ്ങളുടെ കയ്യിലുള്ള ഉൽപ്പന്നം പിൻവലിച്ച ബാച്ചിൽ ഉൾപ്പെട്ടതാണോ എന്ന് പരിശോധിക്കാൻ നെസ്‌ലെ ഒരു ഓൺലൈൻ സംവിധാനം ഒരുക്കിയിട്ടുണ്ട്: https://www.nestlefamilynes-mena.com/en/recall ബാച്ച് നമ്പർ ഉറപ്പാക്കിയാൽ പണം തിരികെ വാങ്ങാനോ ഉൽപ്പന്നം മാറ്റിയെടുക്കാനോ സാധിക്കും.കുട്ടികൾക്ക് എന്തെങ്കിലും ശാരീരിക അസ്വസ്ഥതകൾ കണ്ടാൽ [email protected] എന്ന വിലാസത്തിൽ റിപ്പോർട്ട് ചെയ്യണം.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്