ഇസ്രായേൽ ആക്രമണത്തിൽ പരിക്കേറ്റ ഇറാൻ സൈനിക കമാൻഡർ അലി ഷാദ്മാനി മരിച്ചു

JUNE 25, 2025, 8:05 PM

ടെഹ്‌റാൻ: ഇസ്രായേൽ ആക്രമണത്തിൽ പരിക്കേറ്റ് ചികിത്സയിലായിരുന്ന ഇറാനിയൻ റെവല്യൂഷണറി ഗാർഡ് കമാൻഡ് സെന്റർ തലവൻ അലി ഷാദ്മാനി മരിച്ചു.

ജൂൺ 17 ലെ ആക്രമണത്തിൽ ഷാദ്മാനി കൊല്ലപ്പെട്ടതായി ഇസ്രായേൽ സൈന്യം അവകാശപ്പെട്ടിരുന്നു, എന്നാൽ ഇറാൻ ഔദ്യോഗികമായി സ്ഥിരീകരിച്ചിട്ടില്ല.

ഇറാനിയൻ പരമോന്നത നേതാവ് അലി ഖമേനിയുമായി ഏറ്റവും അടുത്ത വ്യക്തിയാണ് ഷാദ്മാനി. ജൂൺ 13 നാണ് അദ്ദേഹത്തെ നിയമിച്ചത്.

സെൻട്രൽ ഹെഡ് ക്വാർട്ടേഴ്‌സ് കമാൻഡർ അലി റാഷിദ് ഇസ്രായേൽ ആക്രമണത്തിൽ കൊല്ലപ്പെട്ടിരുന്നു. പിന്നാലെയാണ് ശാദ്മാനിയെ പുതിയ കമാൻഡറായി നിയമിച്ചത്.

ഇറാൻ റെവല്യൂഷണറി ഗാർഡിന്റെ മേധാവിയായും അദ്ദേഹം പ്രവർത്തിച്ചിരുന്നു. ഇറാന്റെ 'വാർ ടൈം ചീഫ് ഓഫ് സ്റ്റാഫ്' ആയി ചുമതലയേറ്റെടുത്ത അലി ഷാദെമാനിയാണ് ഇറാന്റെ ആക്രമണപദ്ധതികൾക്ക് അംഗീകാരം നൽകിയിരുന്നതെന്നും യുദ്ധപ്രവർത്തനങ്ങൾ ഏകോപിപ്പിച്ചിരുന്നതെന്നും ഇസ്രയേലിനെതിരേ ആക്രമണം നടത്തുന്നതിൽ അലി ഷാദെമാനി പ്രധാന പങ്കുവഹിച്ചിരുന്നതായും ഐഡിഎഫ് ആരോപിച്ചിരുന്നു.