രൂക്ഷമായ ജലക്ഷാമത്തിൽ വലയുന്ന മാലിദ്വീപിന് സഹായഹസ്തവുമായി ചൈന. ചൈന സർക്കാർ ടിബറ്റിലെ ഹിമാനിയിൽ നിന്ന് 1500 ടൺ കുടിവെള്ളം മാലിദ്വീപിന് സംഭാവന ചെയ്തു. 2023 നവംബറിൽ പ്രസിഡൻ്റ് ഡോ. മുഹമ്മദ് മുയിസു അധികാരമേറ്റതിനുശേഷം, മാലദ്വീപിനുള്ള ചൈനയുടെ നിരന്തരമായ പിന്തുണയുടെ ഭാഗമായാണ് ഈ സംഭാവന.
ചൈനയുടെ ടിബറ്റ് സ്വയംഭരണ മേഖലയുടെ ചെയർമാൻ യാൻ ജിൻഹായുടെ മാലിദ്വീപ് സന്ദർശന വേളയിൽ നടന്ന ചർച്ചകളുടെ ഫലമാണ് ഈ തീരുമാനം. കഴിഞ്ഞ നവംബറിൽ പ്രസിഡൻ്റ് ഡോ. മുഹമ്മദ് മുയിസുവുമായി കൂടിക്കാഴ്ച നടത്തിയതായി വിദേശകാര്യ മന്ത്രാലയം സ്ഥിരീകരിച്ചു.
മാലദ്വീപിന് ചൈന സഹായം നൽകുന്നത് ഇത് ആദ്യ സംഭവമല്ല. മാലിദ്വീപിന് പുതിയതായി ഒപ്പുവെച്ച കരാർ പ്രകാരം ചൈനയുടെ സൈന്യത്തിൽ നിന്ന് ഉപകരണങ്ങളും പരിശീലനവും ലഭിക്കുമെന്ന് മാർച്ചിൽ പ്രസിഡൻ്റ് മുയിസു പ്രഖ്യാപിച്ചു.
ചൈനയിലെ ഇൻ്റർനാഷണൽ മിലിട്ടറി കോഓപ്പറേഷൻ ഓഫീസ് ഡെപ്യൂട്ടി ഡയറക്ടർ മേജർ ജനറൽ ഷാങ് ബോക്യുൻ, ചൈനയുടെ എക്സ്പോർട്ട്-ഇംപോർട്ട് ബാങ്ക് പ്രസിഡൻ്റ് റെൻ ഷെങ്ജുൻ എന്നിവരുമായി പ്രസിഡൻ്റ് മുയിസു നടത്തിയ കൂടിക്കാഴ്ചകളെ തുടർന്നാണ് ഈ കരാർ.
അതേസമയം ഇന്ത്യയും മാലിദ്വീപിന് പ്രതിസന്ധി ഘട്ടങ്ങളിൽ സഹായം നൽകിയിട്ടുണ്ട്. 2014 ഡിസംബറിൽ മാലെ വാട്ടർ ആൻഡ് സ്വീവറേജ് കമ്പനി സമുച്ചയത്തിലുണ്ടായ വൻ തീപിടിത്തത്തെത്തുടർന്ന് മാലദ്വീപിൽ രൂക്ഷമായ ജലപ്രതിസന്ധിയിൽ ഇന്ത്യ ‘ഓപ്പറേഷൻ നീർ’ നടത്തി. ഇന്ത്യൻ വിമാനം 375 ടൺ കുടിവെള്ളം എത്തിച്ചു, ഐഎൻഎസ് ദീപക്, ഐഎൻഎസ് ശുകന്യ എന്നീ രണ്ട് ഇന്ത്യൻ കപ്പലുകൾ ഏകദേശം 2,000 ടൺ വെള്ളം വിതരണം ചെയ്തു, ഇത് മാലിദ്വീപുകാർക്ക് വളരെ ആശ്വാസം നൽകി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്