-20201113034038.jpg)
തമിഴ് സൂപ്പർതാരം വിക്രമിന്റെ പുതിയ ചിത്രം ചിയാൻ 63 സാങ്കേതിക കാരണങ്ങളാൽ മുടങ്ങിയെന്ന വാർത്തകൾ തെറ്റാണെന്ന് താരത്തോട് അടുത്ത വൃത്തങ്ങൾ അറിയിച്ചു. ചിത്രം ഉപേക്ഷിച്ചുവെന്ന തരത്തിൽ കഴിഞ്ഞ ദിവസങ്ങളിൽ സോഷ്യൽ മീഡിയയിൽ വ്യാപകമായ പ്രചാരണം നടന്നതിനെത്തുടർന്നാണ് വിശദീകരണവുമായി ടീം രംഗത്തെത്തിയത്.
നവാഗതനായ ബോധി രാജ്കുമാർ ആണ് വിക്രമിന്റെ 63-ാം ചിത്രം സംവിധാനം ചെയ്യുന്നത്. ആമേൻ, ലോ ആൻഡ് ബിഹോൾഡ് തുടങ്ങിയ ശ്രദ്ധേയമായ ഹ്രസ്വചിത്രങ്ങളിലൂടെ അന്താരാഷ്ട്ര തലത്തിൽ അവാർഡുകൾ നേടിയ വ്യക്തിയാണ് ഇദ്ദേഹം. ചെന്നൈ ഇൻഡിപെൻഡന്റ് ഫിലിം ഫെസ്റ്റിവലിലും വെനീസ് ഷോർട്സ് ഫെസ്റ്റിവലിലും ഇദ്ദേഹത്തിന്റെ ചിത്രങ്ങൾ മികച്ച നേട്ടം കൈവരിച്ചിരുന്നു. നേരത്തെ മാവീരൻ സംവിധായകൻ മാഡോൺ അശ്വിൻ ഈ ചിത്രം ചെയ്യുമെന്നായിരുന്നു റിപ്പോർട്ടുകൾ എങ്കിലും പിന്നീട് ബോധി രാജ്കുമാർ പ്രോജക്റ്റിലേക്ക് എത്തുകയായിരുന്നു.
താൻ നാല് പുതിയ പ്രോജക്റ്റുകളിൽ പ്രവർത്തിക്കുന്നുണ്ടെന്ന് വിക്രം തന്നെ അടുത്തിടെ ഇൻസ്റ്റാഗ്രാമിലൂടെ വ്യക്തമാക്കിയിരുന്നു. ഇതിൽ ചിയാൻ 63 കൂടാതെ വീര ധീര സൂരൻ 2, 96, മെയ്യഴകൻ എന്നീ ചിത്രങ്ങളിലൂടെ ശ്രദ്ധേയനായ പ്രേംകുമാറുമായി വിക്രം കൈകോർക്കുമെന്ന് സൂചനയുണ്ട്.
ശാന്തി ടാക്കീസ് നിർമ്മിക്കുന്ന ചിയാൻ 63-യുടെ പ്രീ-പ്രൊഡക്ഷൻ ജോലികൾ പുരോഗമിക്കുകയാണെന്നും വൈകാതെ തന്നെ ചിത്രീകരണം ആരംഭിക്കുമെന്നും ടീം ഉറപ്പുനൽകി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-(1)12-20260317111203.jpg)
-20250809021350.jpg)
-20260311033306.jpg)
