-20250903044506.jpg)
ബോളിവുഡിന്റെ ഇതിഹാസ നടി മീനാകുമാരിയുടെ ജീവിതം അടിസ്ഥാനമാക്കി ഒരുങ്ങുന്ന ബയോപിക്കിൽ പ്രശസ്ത നടി കിയാര അദ്വാനി മുഖ്യവേഷത്തിൽ എത്തുമെന്ന് റിപ്പോർട്ട്. 'ട്രാജഡി ക്വീൻ' എന്നറിയപ്പെടുന്ന മീനാകുമാരിയുടെ ജീവിതവും അതിലെ വൈകാരികതയും വെള്ളിത്തിരയിൽ അവതരിപ്പിക്കാൻ കിയാരയെ അണിയറക്കാര് സമീപിച്ചതായി റിപ്പോർട്ട് പറയുന്നു. കരാറിൽ ഒപ്പുവയ്ക്കാൻ കിയാര ഒരുങ്ങുകയാണെന്നും പുതിയ റിപ്പോർട്ടുകൾ സൂചിപ്പിക്കുന്നു.
അതേസമയം, നടി തൃപ്തി ദിമ്രിയും ബിയോപിക് സ്ക്രീനിൽ അവതരിപ്പിക്കാൻ താൽപര്യം പ്രകടിപ്പിച്ചു. ധഡക് 2 ന്റെ പത്രസമ്മേളനത്തിൽ, തന്റെ ആഗ്രഹം പങ്കുവെച്ചുകൊണ്ട് അവർ പറഞ്ഞു, "എനിക്ക് ഒരു ബയോപിക് ചെയ്യാൻ ആഗ്രഹമുണ്ട്. ഞാൻ മീന കുമാരി ജിയുടെയും മധുബാല ജിയുടെയും വലിയ ആരാധികയാണ്. അവരിൽ ഒരാളെക്കുറിച്ച് ആരെങ്കിലും ഒരു ബയോപിക് നിർമ്മിച്ചാൽ, അതിന്റെ ഭാഗമാകാൻ ഞാൻ ആഗ്രഹിക്കുന്നു. അവർ ഇതിഹാസങ്ങളായിരുന്നു, ഐക്കണുകളായിരുന്നു - അവരെ അവതരിപ്പിക്കുന്നത് ഒരു ബഹുമതിയാണ്." തൃപ്തി പറഞ്ഞു.
മഹ്ജബീൻ ബാനോ എന്ന പേരിൽ ജനിച്ച മീന കുമാരി ഹിന്ദി സിനിമയിലെ ഏറ്റവും മികച്ച താരങ്ങളിലൊരാളായാണ് ഓർമ്മിക്കപ്പെടുന്നത്. "ട്രാജഡി ക്വീൻ" എന്നറിയപ്പെടുന്ന അവർ ബൈജു ബാവ്ര, പരിണീത, സാഹിബ് ബീബി ഔർ ഗുലാം, കാജൽ, പകീസ തുടങ്ങിയ ചിത്രങ്ങളിലെ തീവ്രമായ പ്രകടനത്തിലൂടെ പ്രശംസിക്കപ്പെട്ടു.
രണ്ട് പതിറ്റാണ്ട് നീണ്ട അവരുടെ കരിയറിൽ നാല് ഫിലിംഫെയർ മികച്ച നടിക്കുള്ള അവാർഡുകൾ നേടി. , 38 വയസ്സുള്ളപ്പോളാണ് മീന അകാലത്തിൽ മരിക്കുന്നത്. മീനകുമാരിയുടെ ഭര്ത്താവ് കമൽ അമ്രോഹിയുടെ കുടുംബം ഈ ചിത്രത്തില് നിര്മ്മാണ പങ്കാളികളാണ്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-(1)12-20260317111203.jpg)
-20250809021350.jpg)
-20260311033306.jpg)
