ന്യൂഡെല്‍ഹി: രാജ്യത്ത് റീട്ടെയില്‍ പണപ്പെരുപ്പം ജൂണ്‍ മാസത്തില്‍ 5.08% ആയി ഉയര്‍ന്നു. 4 മാസത്തിനിടയിലെ ഉയര്‍ന്ന പണപ്പെരുപ്പ നിരക്കാണിത്. മെയ് മാസത്തിലെ 4.80% ല്‍ നിന്നാണ് അഞ്ച് ശതമാനത്തിന് മുകളിലേക്ക് പണപ്പെരുപ്പ നിരക്ക് ഉയരുന്നത്.
'ഓള്‍ ഇന്ത്യ കണ്‍സ്യൂമര്‍ പ്രൈസ് ഇന്‍ഡക്സ് (സിപിഐ) അടിസ്ഥാനമാക്കിയുള്ള വാര്‍ഷിക പണപ്പെരുപ്പ നിരക്ക് 2024 ജൂണ്‍ മാസത്തില്‍ 5.08% ആണ്. ഗ്രാമീണ പ്രദേശങ്ങളില്‍ 5.66% ഉം നഗരങ്ങളില്‍ 4.39% ഉം ആണ് പണപ്പെരുപ്പ നിരക്ക്,' സ്റ്റാറ്റിറ്റിക്‌സ് & പ്രോഗ്രാം ഇംപ്ലിമെന്റേഷന്‍ മന്ത്രാലയം അറിയിച്ചു.
പണപ്പെരുപ്പ നിരക്ക് റിസര്‍വ് ബാങ്ക് ഓഫ് ഇന്ത്യയുടെ (ആര്‍ബിഐ) സഹനീയ പരിധിയായ 2-6% പരിധിയില്‍ തന്നെ തുടരുകയാണ്.
ഭക്ഷ്യവിലപ്പെരുപ്പം ജൂണില്‍ 9.55% ആയി ഉയര്‍ന്നു. മെയ് മാസത്തില്‍ ഇത് 8.69% ഉം 2023 ജൂണില്‍ 4.55% ഉം ആയിരുന്നു.
ഗ്രാമീണ പണപ്പെരുപ്പം മെയ് മാസത്തിലെ 5.34% ല്‍ നിന്നും 5.66 ശതമാനത്തിലേക്കാണ് ഉയര്‍ന്നത്. 2023 ജൂണില്‍ 4.78% ആയിരുന്നു റൂറല്‍ ഇന്‍ഫ്‌ളേഷന്‍. നഗര പണപ്പെരുപ്പം മെയ് മാസത്തിലെ 4.21 ശതമാനത്തില്‍ നിന്ന് ജൂണില്‍ 4.39 ശതമാനമായി ഉയര്‍ന്നു. 2023 ജൂണില്‍ 4.96 ശതമാനമായിരുന്നു അര്‍ബന്‍ ഇന്‍ഫ്‌ളേഷന്‍.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
