പക്ഷിപ്പനി: മനുഷ്യനില്‍ രണ്ടാമത്തെ കേസ് യുഎസ് റിപ്പോര്‍ട്ട് ചെയ്തു

MAY 23, 2024, 5:20 AM

വാഷിംഗ്ടണ്‍: യു.എസില്‍ ഒരു മനുഷ്യനില്‍ കൂടി പക്ഷിപ്പനി പിടിപെട്ടതായി റിപ്പോര്‍ട്ട്. ഇത്തുത്തിലുള്ള രണ്ടാമത്തെ കേസ് കണ്ടെത്തിയതായി യുഎസ് ആരോഗ്യ അധികൃതര്‍ ബുധനാഴ്ച പ്രഖ്യാപിച്ചു. ആദ്യത്തെ കേസ് റിപ്പോര്‍ട്ട് ചെയ്തതിന് രണ്ട് മാസത്തിനുള്ളില്‍ ഈ രോഗം കറവപ്പശുക്കള്‍ക്കിടയില്‍ വ്യാപകമായി വ്യാപിക്കുന്നുണ്ടായിരുന്നു.

H5N1 എന്ന വൈറസ് ബാധിച്ച രണ്ട് വ്യക്തികളും ആദ്യത്തേത് ടെക്‌സാസില്‍, രണ്ടാമത്തേത് മിഷിഗണിലും ഡയറി ഫാം തൊഴിലാളികളായിരുന്നു, അവര്‍ ചെറിയ ലക്ഷണങ്ങള്‍ മാത്രം പ്രകടിപ്പിക്കുകയും സുഖം പ്രാപിക്കുകയും ചെയ്തതായി അധികൃതര്‍ അറിയിച്ചു.

രണ്ടാമത്തെ അണുബാധ ഉണ്ടായിരുന്നിട്ടും, യുഎസ് സെന്റര്‍സ് ഫോര്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷന്‍ പറഞ്ഞു. പൊതുജനങ്ങള്‍ക്കുള്ള അപകടസാധ്യത കുറവാണ്. എന്നാല്‍ കൂടുതല്‍ കേസുകള്‍ പ്രതീക്ഷിക്കുന്നതായി ഇത് സൂചിപ്പിച്ചു.