വെസ്റ്റ് ഇൻഡീസിനെതിരായ ടി20 പരമ്പരയിലെ ആദ്യ നാല് മത്സരങ്ങളിലും പ്ലേയിംഗ് ഇലവനിൽ അവസരം ലഭിക്കാത്തതിന് പിന്നാലെ ഇൻസ്റ്റാഗ്രാമിൽ പ്രതികരണവുമായി കൗമാരതാരം വൈഭവ് സൂര്യവംശി.
സ്റ്റിൽ ബിലീവിങ്' (ഇപ്പോഴും വിശ്വസിക്കുന്നു) എന്ന വൈഭവിന്റെ ഇൻസ്റ്റഗ്രാം സ്റ്റോറിയാണിപ്പോൾ ആരാധകർക്കിടയിൽ ചർച്ചയാവുന്നത്. അവസാന ടി20 പോരാട്ടത്തിലെങ്കിലും അവസരം ലഭിക്കുമെന്ന പ്രതീക്ഷയിലാണ് വൈഭവ്. നാലാം ടി20 ജയിച്ച് വിൻഡീസ് പരമ്പര 2-2 എന്ന നിലയിൽ സമനിലയിലായാക്കിയതോടെ, നിർണായകമായ അവസാന മത്സരത്തിൽ വൈഭവിന് അവസരം നൽകണമെന്ന ആവശ്യത്തിന് പിന്തുണയേറുകയാണ്.
എന്നാൽ, നിലവിലെ ഓപ്പണിംഗ് കൂട്ടുകെട്ടായ സഞ്ജു സാംസൺ, അഭിഷേക് ശർമ്മ സഖ്യത്തെ മാറ്റാൻ ടീം മാനേജ്‌മെന്റ് തയ്യാറല്ലെന്ന സൂചനയാണ് കോച്ച് ഗൗതം ഗംഭീർ നൽകുന്നത്. വൈഭവിന് അവസരം കുറയുന്നതുമായി ബന്ധപ്പെട്ട ചോദ്യങ്ങളോട് വ്യക്തമായ ഭാഷയിലാണ് ഗൗതം ഗംഭീർ പ്രതികരിച്ചത്. സഞ്ജു സാംസണെയോ അഭിഷേക് ശർമ്മയെയോ മാറ്റിനിർത്തി വൈഭവിന് അവസരം നൽകുന്നത് നീതികേടാണെന്ന് ഗംഭീർ ചൂണ്ടിക്കാട്ടി.
'ലോകകപ്പിൽ പ്ലെയർ ഓഫ് ദി ടൂർണമെന്റായ ഒരു താരം കഴിവുള്ളതുകൊണ്ട് തന്നെയാണ് ആ നേട്ടം കൈവരിച്ചത്. ഏതാനും മത്സരങ്ങളിലെ പരാജയം കൊണ്ട് മാത്രം ഒരു താരം മോശക്കാരനാകുന്നില്ല. ലോകകപ്പ് നേടിയ ഒരു ടീം കോമ്പിനേഷനെ പെട്ടെന്ന് മാറ്റാനാവില്ല. വൈഭവിനോട് വളരെ വ്യക്തമായി തന്നെ കാര്യങ്ങൾ സംസാരിച്ചിട്ടുണ്ട്, അവസരത്തിനായി ക്ഷമയോടെ കാത്തിരിക്കേണ്ടതുണ്ട്. വർഷങ്ങളായി ടീമിനായി മികച്ച സംഭാവനകൾ നൽകുന്നവർക്കായിരിക്കും എപ്പോഴും മുൻഗണന. അവസരം ലഭിക്കുമ്പോൾ അത് ദീർഘകാലത്തേക്ക് പ്രയോജനപ്പെടുത്താൻ വൈഭവിന് സാധിക്കും.' ഗൗതം ഗംഭീർ പറഞ്ഞു.
സോഷ്യൽ മീഡിയയിലെ ചർച്ചകളോ പുറത്തുനിന്നുള്ള സമ്മർദ്ദങ്ങളോ അല്ല പ്ലേയിംഗ് ഇലവൻ തീരുമാനിക്കുന്നതെന്നും ഗംഭീർ നേരത്തെ വ്യക്തമാക്കിയിരുന്നു. വി.വി.എസ് ലക്ഷ്മൺ പരിശീലകനായെത്തിയ പരമ്പരകളിൽ കൂടുതൽ അവസരങ്ങൾ ലഭിച്ചിരുന്ന വൈഭവിന്, ഗംഭീറിന്റെ ഈ കർശന നിലപാടിന് കീഴിൽ കാത്തിരിപ്പ് തുടരേണ്ടി വരുമെന്നാണ് സൂചന.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261014105340.jpg)
-20261014103701.jpg)
-20261014102640.jpg)
