യുവതാരം നൽകിയ മികച്ച തുടക്കം അവസാന പന്തിൽ സിക്‌സർ പറത്തിക്കൊണ്ട് റാസ ഇന്നിംഗ്‌സ് അവസാനിപ്പിച്ചതോടെയാണ് സിംബാബ്‌വെ 169ലേക്ക് എത്തിയത്. റാസ 25 റൺസ് നേടി. തദിവനാഷെ മരുമണി (21 പന്തിൽ 35), റയാൻ ബേൾ (30 പന്തിൽ 35) എന്നിവരും മികച്ച പിന്തുണ നൽകി. ഓസ്‌ട്രേലിയയ്ക്കു വേണ്ടി ഗ്രീനും സ്‌റ്റോണിഷും ഓരോ വിക്കറ്റ് നേടി.

170 റൺസ് പിന്തുടർന്ന ഓസ്‌ട്രേലിയയ്ക്ക് തുടക്കത്തിൽ തന്നെ പ്രഹരമേറ്റു. ബ്ലെസിംഗ് മുസറബാനിയുടെയും ബ്രാഡ് ഇവാൻസിന്റെയും ബൗളിംഗിന് മുന്നിൽ ഓസീസ് മുൻനിര ചീട്ടുകൊട്ടാരം പോലെ തകർന്നു. 4 ഓവറിൽ 17 റൺസ് മാത്രം നൽകി 4 വിക്കറ്റുകൾ വീഴ്ത്തിയ മുസറബാനി ഓസീസിനെ തകർത്തു.

തന്റെ 100-ാം ടി20 വിക്കറ്റും താരം ഈ മത്സരത്തിൽ ആഘോഷിച്ചു. ഒറ്റയാൾ പോരാട്ടം നടത്തിയ റെൻഷോ(65 ) മാത്രമാണ് ഓസീസ് നിരയിൽ തിളങ്ങിയത്. എന്നാൽ 19-ാം ഓവറിൽ താരം പുറത്തായതോടെ ഓസ്‌ട്രേലിയയുടെ പതനം പൂർത്തിയായി.

ഓസ്‌ട്രേലിയയ്ക്കു വേണ്ടി ജോഷ് ഇംഗ്ലിസ് 8, ട്രാവിസ് ഹെഡ് 17, കാമറോൺ ഗ്രീൻ 0, ടിം ഡേവിഡ് 0, ഗ്ലെൻ മാക്‌സവൽ 31, സ്‌റ്റോണിഷ് 6, നാഥൻ ഇല്ലിസ് 7, ആദം സാംബ 2, കുൻഹ്മാൻ 0 എന്നിവരാണ് അവരുടെ സ്‌കോറർമാർ. സിംബാബ്‌വെയ്ക്കു വേണ്ടി ബ്ലെസിംഗ് മുസറബാനി 4ഉം, ബ്രാഡ് ഇവാൻസ് 3ും മസാകാഡസ്, ബേൾ ഓരോ വിക്കറ്റും നേടി. 

2007 ടി20 ലോകകപ്പിൽ ബ്രണ്ടൻ ടെയ്‌ലറുടെ ബാറ്റിംഗിൽ സിംബാബ്‌വെ ഓസ്‌ട്രേലിയയെ അട്ടിമറിച്ചിരുന്നു. നീണ്ട 19 വർഷത്തെ കാത്തിരിപ്പിന് ശേഷം ഒരു ഐസിസി ടൂർണമെന്റിൽ ഓസ്‌ട്രേലിയയെ വീണ്ടും വീഴ്ത്തി സിംബാബ്‌വെ തങ്ങളുടെ പ്രതാപം വീണ്ടെടുത്തിരിക്കുകയാണ്.