ഇംഗ്ലീഷ് പ്രീമിയർ ലീഗിൽ സൗതാപ്റ്റണിന്റെ പോരാട്ടം അതിജീവിച്ചു ജയവുമായി ലിവർപൂൾ. സ്വന്തം മൈതാനത്ത് ലിവർപൂളിന് മികച്ച പോരാട്ടം നൽകാൻ ആയെങ്കിലും 3-2ന് സൗതാപ്റ്റൺ പരാജയപ്പെടുക ആയിരുന്നു.

ജയത്തോടെ ലീഗിൽ രണ്ടാം സ്ഥാനക്കാർ ആയ മാഞ്ചസ്റ്റർ സിറ്റിയും ആയി 8 പോയിന്റുകൾ മുന്നിൽ ആണ് ആർണെ സ്ലോട്ടിന്റെ ടീം. പതിവ് പോലെ മൊ സലാഹ് ആണ് ലിവർപൂൾ രക്ഷകൻ ആയത്. സൗതാപ്റ്റണിന്റെ പ്രതിരോധ പിഴവിൽ നിന്നു സബോസ്ലായ് ആണ് ലിവർപൂളിന് മത്സരത്തിൽ 30 -ാമത്തെ മിനിറ്റിൽ മുൻതൂക്കം നൽകിയത്.

42 -ാമത്തെ മിനിറ്റിൽ സൗതാപ്റ്റണിനു പെനാൽട്ടി ലഭിച്ചു. ഡിബിളിങിനെതിരായ ഫൗൾ ബോക്‌സിനു പുറത്ത് ആണോ എന്ന് സംശയം ഉണ്ടായെങ്കിലും വാർ അത് അനുവദിച്ചു. ആദം ആസ്‌ട്രോങിന്റെ പെനാൽട്ടി കെല്ലഹർ രക്ഷിച്ചു എങ്കിലും താരം റീബോണ്ടിൽ ഗോൾ നേടി. രണ്ടാം പകുതിയിൽ 56 -ാമത്തെ മിനിറ്റിൽ ആസ്‌ട്രോങിന്റെ പാസിൽ നിന്നു മാത്യസ് ഫെർണാണ്ടസിലൂടെ സൗതാപ്റ്റൺ ഗോൾ നേടിയതോടെ ലിവർപൂൾ ഞെട്ടി.

എന്നാൽ 65 -ാമത്തെ മിനിറ്റിൽ ഗ്രവൻബെർചിന്റെ പാസിൽ നിന്നു ഗോൾ നേടിയ സലാഹ് ലിവർപൂളിനെ മത്സരത്തിൽ ഒപ്പം എത്തിച്ചു. 83-ാമത്തെ മിനിറ്റിൽ ഹാന്റ് ബോളിന് ലഭിച്ച പെനാൽട്ടി ലക്ഷ്യം കണ്ട സലാഹ് ലിവർപൂളിന് വിലപ്പെട്ട വിജയം സമ്മാനിക്കുക ആയിരുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്