യുഎസ് ഓപ്പണിൽ രോഹൻ ബൊപ്പണ്ണ ഡബിൾസിലും മിക്‌സഡ് ഡബിൽസിനും മുന്നേറ്റം

AUGUST 31, 2024, 2:50 PM

യുഎസ് ഓപ്പണിൽ ഇന്ത്യൻ ടെന്നീസ് താരം രോഹൻ ബൊപ്പണ്ണ പുരുഷ, മിക്‌സഡ് ഡബിൾസ് ഇനങ്ങളിൽ മുന്നേറ്റം നടത്തി.

ഇന്തോനേഷ്യയുടെ അൽദില സുത്ജിയാദിയുമായി കളിച്ച്, 44കാരൻ ഡെമി ഷുർസ് ടിം പറ്റ്‌സ് എന്നിവർക്കെതിരായ ആദ്യ റൗണ്ട് മിക്‌സഡ് ഡബിൾസ് മത്സരത്തിൽ വിജയിച്ചു. 7-6 (7), 7-6 (5) എന്നായിരുന്നു സ്‌കോർ. ബൊപ്പണ്ണയും സുത്ജിയാദിയും പ്രീ ക്വാർട്ടറിലേക്ക് മുന്നേറി, അവിടെ അവർ ജോൺ പീർസിനെയും കാറ്ററീന സിനിയാക്കോവയെയും നേരിടും.

പുരുഷ ഡബിൾസിൽ ബൊപ്പണ്ണയും മാത്യു എബ്ഡനും ചേർന്ന് റോബർട്ടോ കാർബല്ലെസ് -ബെയ്‌നഫെഡറിക്കോ കോറിയ സഖ്യത്തെ രണ്ടാം റൗണ്ടിൽ പരാജയപ്പെടുത്തി, 6-2, 6-4 എന്നായിരുന്നു സ്‌കോർ. രണ്ടാം സീഡായ ജോഡി അടുത്തതായി അർജന്റീനിയൻ ജോഡികളായ മാക്‌സിമോ ഗോൺസാലസ് -ആന്ദ്രേസ് മൊൾട്ടേനി സഖ്യത്തെ നേരിടും.

മറ്റൊരു ഇന്ത്യൻ താരമായ യുകി ഭാംബ്രിയും തന്റെ പങ്കാളി അൽബാനോ ഒലിവെറ്റിക്കൊപ്പം ടൂർണമെന്റിൽ അടുത്ത റൗണ്ടിലേക്ക് മുന്നേറി. ഓസ്റ്റിൻ ക്രാജിസെക്കിനെയും ജീൻ ജൂലിയൻ റോജറെയും 4-6, 6-3, 7-5 എന്ന സ്‌കോറിനാണ് പരാജയപ്പെടുത്തിയത്.

മൈക്കൽ വീനസ്‌നീൽ സ്‌കുപ്‌സ്‌കി എന്നിവരോട് 6-4, 4-6 എന്ന സ്‌കോറിന് പരാജയപ്പെട്ട് എൻ. ശ്രീറാം ബാലാജിയും കൂട്ടാളി ഗൈഡോ ആൻഡ്രിയോസിയും രണ്ടാം റൗണ്ടിൽ പുറത്തായി.