ആവേശകരമായ സെമിഫൈനൽ പോരാട്ടങ്ങൾക്കൊടുവിൽ ആഫ്രിക്കൻ കപ്പ് ഓഫ് നേഷൻസിന്റെ (AFCON) ഫൈനൽ ചിത്രം തെളിഞ്ഞു. ബുധനാഴ്ച നടന്ന ആവേശകരമായ സെമിയിൽ നൈജീരിയയെ പെനാൽറ്റി ഷൂട്ടൗട്ടിൽ തകർത്ത് ആതിഥേയരായ മൊറോക്കോ ഫൈനലിൽ പ്രവേശിച്ചു.

നിശ്ചിത സമയത്തും അധിക സമയത്തും ഇരുടീമുകൾക്കും ഗോൾ നേടാനാവാത്തതിനെത്തുടർന്നാണ് മത്സരം ഷൂട്ടൗട്ടിലേക്ക് നീങ്ങിയത്. ഷൂട്ടൗട്ടിൽ 4-2 എന്ന സ്‌കോറിനായിരുന്നു മൊറോക്കോയുടെ വിജയം. നൈജീരിയൻ താരങ്ങളായ സാമുവൽ ചുക്വൂസ്, ബ്രൂണോ ഒനിയേമാച്ചി എന്നിവരുടെ കിക്കുകൾ തടഞ്ഞ ഗോൾകീപ്പർ യാസിൻ ബോണുവാണ് മൊറോക്കോയുടെ വിജയശില്പി.

നിർണ്ണായകമായ അവസാന കിക്ക് വലയിലെത്തിച്ച യൂസഫ് എൻനെസിരി മൊറോക്കോയ്ക്ക് തങ്ങളുടെ ആദ്യ കിരീടം എന്ന 50 വർഷത്തെ കാത്തിരിപ്പിന് അരികിലെത്താനുള്ള ടിക്കറ്റ് നൽകി.
65,000ത്തോളം കാണികൾ സാക്ഷ്യം വഹിച്ച ഈ മത്സരം തങ്ങളുടെ കരിയറിലെ ഏറ്റവും കഠിനമായ പോരാട്ടമായിരുന്നുവെന്ന് മൊറോക്കോ പരിശീലകൻ വാലിദ് റെഗ്രാഗുയി പറഞ്ഞു.

മറ്റൊരു സെമിഫൈനലിൽ മൊറോക്കോയിലെ ടാൻജിയറിൽ നടന്ന ആവേശകരമായ സെമിഫൈനൽ പോരാട്ടത്തിൽ ഈജിപ്തിനെ ഏകപക്ഷീയമായ ഒരു ഗോളിന് പരാജയപ്പെടുത്തി സെനഗൽ ഫൈനലിൽ പ്രവേശിച്ചു. 78-ാം മിനിറ്റിൽ സൂപ്പർ താരം സാഡിയോ മാനെ നേടിയ തകർപ്പൻ ഗോളാണ് സെനഗലിന് വിജയം സമ്മാനിച്ചത്.

2022ലെ ഫൈനലിന്റെ ആവർത്തനമായ ഈ മത്സരത്തിൽ വിജയിച്ചതോടെ കിരീടം എന്ന ലക്ഷ്യത്തിലേക്ക് സെനഗൽ ഒരു പടി കൂടി അടുത്തെത്തി. മൊഹമ്മദ് സലായുടെ നേതൃത്വത്തിൽ ഇറങ്ങിയ ഈജിപ്ത് പന്തടക്കത്തിലും ആക്രമണത്തിലും മികച്ചുനിന്നെങ്കിലും ഗോൾ കണ്ടെത്തുന്നതിൽ പരാജയപ്പെട്ടു.

മത്സരത്തിന്റെ 78-ാം മിനിറ്റിൽ സൂപ്പർ താരം സാഡിയോ മാനെ നേടിയ തകർപ്പൻ ഗോളാണ് സെനഗലിന് വിജയം സമ്മാനിച്ചത്. ഞായറാഴ്ച റബാത്തിലെ പ്രിൻസ് മൗലേ അബ്ദുള്ള സ്റ്റേഡിയത്തിൽ വെച്ചാണ് കലാശപ്പോരാട്ടം നടക്കുക. ഫൈനലിന് മുന്നോടിയായി ശനിയാഴ്ച നടക്കുന്ന മൂന്നാം സ്ഥാനത്തിനായുള്ള മത്സരത്തിൽ നൈജീരിയ ഈജിപ്തിനെ നേരിടും.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്