ഇംഗ്ലീഷ് പ്രീമിയർ ലീഗിൽ നോട്ടിങ്ഹാമിനോടും തോറ്റ് മാഞ്ചസ്റ്റർ സിറ്റി

NOVEMBER 8, 2026, 8:19 AM

ഇംഗ്ലീഷ് പ്രീമിയർ ലീഗിൽ മുൻ ചാമ്പ്യന്മാരായ സിറ്റി ഈ സീസണിൽ ഭേദപ്പെട്ട പ്രകടനങ്ങളോടെയാണ് തുടങ്ങിയത്. നിലവാരം കാട്ടിത്തന്നെ തുടങ്ങിയ സിറ്റിക്ക് അവസാന മൂന്ന് മത്സരത്തിലും പ്രതീക്ഷിച്ച പ്രകടനം നടത്താൻ സാധിച്ചിട്ടില്ല. ഇപ്പോഴിതാ ഏറ്റവും ഒടുവിലായി 16-ാം സ്ഥാനക്കാരായ നോട്ടിങ്ഹാമിനോടും സിറ്റിക്ക് തോൽക്കേണ്ടി വന്നു. 3-1നാണ് മാഞ്ചസ്റ്റർ സിറ്റിയെ നോട്ടിങ്ഹാം തകർത്തുവിട്ടത്.

കഴിഞ്ഞ രണ്ട് മത്സരത്തിൽ ആസ്റ്റൺ വില്ലയോടും ബ്രൈറ്റനോടുമാണ് സിറ്റിക്ക് പരാജയം നേരിടേണ്ടി വന്നത്. ആദ്യ ഏഴ് മത്സരത്തിൽ സമ്പൂർണ്ണ ജയം കൈവരിക്കുകയും അവസാന മൂന്ന് മത്സരത്തിൽ മാഞ്ചസ്റ്റർ സിറ്റിക്ക് തോൽവി നേരിടുകയും ചെയ്തുവെന്നതാണ് എടുത്തു പറയേണ്ടത്.

നോട്ടിങ്ഹാമിനെതിരേ മികച്ച നിരയെത്തന്നെയാണ് സിറ്റി കളത്തിലിറക്കിയത്. സൂപ്പർ സ്‌ട്രൈക്കർ എർലിങ് ഹാലണ്ടടക്കം ഉണ്ടായിരുന്നിട്ടും മികച്ച പ്രകടനം കാഴ്ചവെയ്ക്കാൻ സിറ്റിക്കായില്ല. മാഞ്ചസ്റ്റർ സിറ്റിയെ പരിക്ക് ബാധിച്ചിട്ടുണ്ട്. പല താരങ്ങളും പൂർണ്ണ ഫിറ്റ്‌നസിലല്ലാത്തതിനാൽ സ്റ്റാർട്ടിങ് ഇലവനിൽ പലപ്പോഴും പൊളിച്ചെഴുത്തിലേക്ക് കടക്കേണ്ടി വരികയാണ്. ഇത് ടീമിനെ ബാധിച്ചിട്ടുണ്ട്.

സൂപ്പർ താരങ്ങളുടെ താളം അവസാന മൂന്ന് മത്സരത്തിലും നഷ്ടമായിട്ടുണ്ട്. ഹാലണ്ടിനടക്കം നിലവാരം കാട്ടാൻ സാധിക്കാതെ പോകുന്നു. എന്നാൽ ടീമിന്റെ തോൽവിയെ പോസിറ്റീവായാണ് പരിശീലകൻ കാണുന്നത്. ആദ്യ ഏഴ് മത്സരവും ജയിച്ചു. പിന്നീട് മൂന്ന് മത്സരം തോറ്റു. ഇതിനെ പോസിറ്റീവായാണ് നോക്കിക്കാണുന്നത്. പ്രതിരോധത്തിലെ വീഴ്ച്ചകളും ഗോൾ കീപ്പർ ജിയാൻലൂയിജി ഡൊണാറുമ്മ നിലവാരത്തിനൊത്ത് ഉയരാത്തതും സിറ്റിയെ കാര്യമായി ബാധിക്കുന്നുണ്ട്.

ആറാം മിനുട്ടിൽ മാത്യൂസ് കുൻഹെയും 18-ാം മിനുട്ടിലും 73-ാം മിനുട്ടിലും ലിയാം ഡിലാപ്പുമാണ് നോട്ടിങ്ഹാമിനായി വല കുലുക്കിയത്. 52-ാം മിനുട്ടിൽ റയാൻ ചെർക്കിയാണ് മാഞ്ചസ്റ്റർ സിറ്റിയുടെ ഏക ഗോൾ നേടിയെടുത്തത്. എന്തായാലും ഇനിയുള്ള മത്സരങ്ങൾ മാഞ്ചസ്റ്റർ സിറ്റിക്ക് വളരെ പ്രധാനപ്പെട്ടതാണ്.

മാഞ്ചസ്റ്റർ സിറ്റിയുടെ തോൽവി ആഴ്‌സണലിനാണ് കൂടുതൽ ഗുണം ചെയ്യുന്നത്. ഒന്നാം സ്ഥാനത്തുള്ള നിലവിലെ ചാമ്പ്യന്മാരായ ആഴ്‌സണലിന് 10 മത്സരത്തിൽ നിന്ന് 27 പോയിന്റാണുള്ളത്. ഒമ്പത് ജയവും ഒരു തോൽവിയുമാണ് ആഴ്‌സണലിനുള്ളത്. രണ്ടാം സ്ഥാനത്തുള്ള മാഞ്ചസ്റ്റർ സിറ്റിക്ക് 10 മത്സരത്തിൽ നിന്ന് 21 പോയിന്റാണുള്ളത്. പോയിന്റ് വ്യത്യാസം ആറാക്കി മാറ്റാൻ ആഴ്‌സണലിന് സാധിച്ചിട്ടുണ്ട്. ഇത് ആഴ്‌സണലിന് കൂടുതൽ കരുത്തേകുന്ന കാര്യമാണ്.