ബാഴ്സലോണക്കെതിരെയുള്ള നിർണ്ണായകമായ 'എൽ ക്ലാസിക്കോ' പോരാട്ടത്തിന് മുന്നോടിയായി റയൽ മാഡ്രിഡ് താരം കിലിയൻ എംബാപ്പെ പരിശീലനത്തിന് തിരിച്ചെത്തി. പേശീവലിവ് കാരണം രണ്ടാഴ്ചയായി വിശ്രമത്തിലായിരുന്ന താരം ഗ്രൂപ്പ് സെഷനിൽ പങ്കെടുത്തു.
എന്നാൽ പരിശീലന ഗ്രൗണ്ടിൽ സഹതാരങ്ങളായ ഔറേലിയൻ ചൗമേനിയും ഫെഡറിക്കോ വാൽവെർഡെയും തമ്മിലുണ്ടായ കയ്യാങ്കളി റയൽ ക്യാമ്പിലെ ആശങ്ക വർധിപ്പിച്ചിരിക്കുകയാണ്. തർക്കത്തിനിടെ വാൽവെർഡെയുടെ പരിക്കിന് തുന്നൽ വേണ്ടിവന്നതായാണ് റിപ്പോർട്ട്. ഇരുവർക്കുമെതിരെ ക്ലബ് അച്ചടക്ക നടപടി സ്വീകരിച്ചിട്ടുണ്ട്.
തുടർച്ചയായ രണ്ടാം സീസണിലും പ്രധാന കിരീടങ്ങളൊന്നും ലഭിക്കില്ലെന്ന ഭീതി റയൽ മാഡ്രിഡിനെ സമ്മർദ്ദത്തിലാക്കുന്നുണ്ട്. നിലവിൽ പോയിന്റ് പട്ടികയിൽ 11 പോയിന്റ് മുന്നിലുള്ള ബാഴ്സലോണയ്ക്ക് എൽ ക്ലാസിക്കോയിൽ ഒരു സമനില മാത്രം മതി സ്പാനിഷ് ചാമ്പ്യന്മാരാകാൻ. ഹാൻസി ഫ്ലിക്കിന് കീഴിൽ ഉജ്ജ്വല ഫോമിലുള്ള ബാഴ്സലോണ കിരീടത്തിനൊപ്പം പുതിയ ചരിത്രനേട്ടങ്ങളും ലക്ഷ്യം വെക്കുന്നുണ്ട്.
ബാക്കിയുള്ള നാല് മത്സരങ്ങളും വിജയിക്കുകയാണെങ്കിൽ ലാ ലിഗയിൽ 100 പോയിന്റ് എന്ന റെക്കോർഡിനൊപ്പമെത്താൻ ബാഴ്സയ്ക്ക് സാധിക്കും. 2011-12 സീസണിൽ ഹോസെ മൗറീന്യോയുടെ റയൽ മാഡ്രിഡും തൊട്ടടുത്ത സീസണിൽ ടിറ്റോ വിലനോവയുടെ ബാഴ്സയുമാണ് ഇതിന് മുൻപ് ഈ നേട്ടം കൈവരിച്ചത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260612011402.jpg){kind=spacer}
