ദുബായ്: വനിതാ ടി20 ലോകകപ്പിൽ നടന്ന ഗ്രൂപ്പ് ബിയിലെ  മത്സരത്തിൽ ദക്ഷിണാഫ്രിക്കയെ 7 വിക്കറ്റിന് കീഴടക്കി ഇംഗ്ലണ്ട് സെമി പ്രതീക്ഷകൾ സജീവമാക്കി. ആദ്യം ബാറ്റ് ചെയ്ത ദക്ഷിണാഫ്രിക്ക 20 ഓവറിൽ 6 വിക്കറ്റ് നഷ്ടത്തിൽ 124 റൺസെടുത്തു.

മറുപടിക്കിറങ്ങിയ ഇംഗ്ലണ്ട് 4 പന്ത് ബാക്കിനിൽക്കെ 3 വിക്കറ്റ് നഷ്ടപ്പെടുത്തി വിജയലക്ഷ്യത്തിലെത്തി (125/3). നാറ്റ് സ്‌കൈവർ (36 പന്തിൽ 48), ഡാന്നി വാട്ട് (43) എന്നിവർ ചേസിംഗിൽ ഇംഗ്ലണ്ടിന്റെ മുന്നണിപ്പോരാളികളായി. ഇംഗ്ലണ്ടിന്റെ രണ്ടാം ജയമാണിത്. ദക്ഷിണാഫ്രിക്ക ആദ്യമത്സരത്തിൽ ജയിച്ചിരുന്നു.

39 പന്തിൽ 42 റൺസെടുത്ത ക്യാപ്ടൻ ലോറ വോൾവാർഡാണ് ദക്ഷിണാഫ്രിക്കയുടെ ടോപ്സകോറർ. മരിസനെ കാപ്പ് (17 പന്തിൽ 26), അന്നേരി ഡെർക്ക്സൺ (പുറത്താകാതെ 11 പന്തിൽ 20) എന്നിവരും ഭേദപ്പെട്ട പ്രകടനം പുറത്തെടുത്തു. ഇംഗ്ലണ്ടിനായി സോഫി എക്ലസ്റ്റൺ 2 വിക്കറ്റ് വീഴ്ത്തി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്