പ്രശസ്ത ഹോളിവുഡ് നടിയും 'യൂഫോറിയ' ഫെയിമുമായ സിഡ്നി സ്വീനിയുടെ പുതിയ സ്പോർട്സ് ബ്രാൻഡ് പരസ്യം സോഷ്യൽ മീഡിയയിൽ വൻ വിവാദമാകുന്നു. വിചിത്രവും ഗ്ലാമറസുമായ ആശയത്തിൽ ചിത്രീകരിച്ച പരസ്യത്തിനെതിരെ സമ്മിശ്ര പ്രതികരണങ്ങളാണ് ആരാധകരിൽ നിന്നും മറ്റ് ഉപഭോക്താക്കളിൽ നിന്നും ഉയരുന്നത്. സ്പോർട്സ് ലോകത്തെ തന്ത്രപരമായ മാർക്കറ്റിംഗ് തന്ത്രമായി ഒരു വിഭാഗം ഇതിനെ പുകഴ്ത്തുമ്പോൾ, കായികരംഗത്തെ ഇത്തരം നഗ്നതയുമായി കൂട്ടിക്കുഴയ്ക്കുന്നതിനെതിരെ കടുത്ത വിമർശനവും ഉയരുന്നുണ്ട്.

കഴിഞ്ഞ ബുധനാഴ്ച പുറത്തിറങ്ങിയ പരസ്യത്തിൽ ക്യാമറയിലേക്ക് നോക്കി സിഡ്നി സ്വീനി സംസാരിക്കുന്നതോടെയാണ് തുടക്കം. "നിങ്ങൾക്ക് കായികലോകത്തെ കുറിച്ച് നന്നായി അറിയാമോ? എങ്കിൽ തെളിയിക്കൂ" എന്ന് താരം വെല്ലുവിളിക്കുന്നു.

തുടർന്ന് ക്യാമറ പിന്നിലേക്ക് മാറുമ്പോൾ, കായിക ഉപകരണങ്ങൾ മാത്രം ഉപയോഗിച്ച് ശരീരം മറച്ച് ബാസ്‌ക്കറ്റ്‌ബോൾ റിംഗിൽ ഇരിക്കുന്ന താരത്തെയാണ് കാണുന്നത്. ഫുട്ബോൾ, ടെന്നീസ്, ഹോക്കി, ഗോൾഫ് തുടങ്ങിയ കായിക വിനോദങ്ങളുടെ പശ്ചാത്തലത്തിലും കായിക ഉപകരണങ്ങൾ മാത്രം മുൻനിർത്തി നിരവധി സീനുകൾ പരസ്യത്തിൽ ചിത്രീകരിച്ചിട്ടുണ്ട്.

പരസ്യം പുറത്തുവന്നതിന് പിന്നാലെ സോഷ്യൽ മീഡിയയിൽ വലിയ രീതിയിലുള്ള വാദപ്രതിവാദങ്ങൾ ആരംഭിച്ചു. ആളുകളുടെ ശ്രദ്ധ പിടിച്ചുപറ്റാൻ ഇത്തരത്തിലുള്ള വിലകുറഞ്ഞ മാർക്കറ്റിംഗ് രീതികൾ ഉപയോഗിക്കുന്നത് അപലപനീയമാണെന്ന് ചിലർ അഭിപ്രായപ്പെട്ടു. എന്നാൽ ഇതൊരു പുതിയ ആശയമാണെന്നും സിഡ്നി സ്വീനിയുടെ സാന്നിധ്യം പരസ്യത്തെ വൻ ഹിറ്റാക്കിയെന്നും മറ്റൊരു വിഭാഗം വാദിക്കുന്നു.

കുറഞ്ഞ സമയത്തിനുള്ളിൽ ദശലക്ഷക്കണക്കിന് ആളുകളാണ് ഈ പരസ്യം കണ്ടത്. എന്നാൽ തനിക്കെതിരെയും പരസ്യത്തിനെതിരെയും ഉയരുന്ന ഇത്തരം വിമർശനങ്ങളോട് സിഡ്നി സ്വീനി ഇതുവരെ ഔദ്യോഗികമായി പ്രതികരിച്ചിട്ടില്ല.

Sydney Sweeney didn’t just model for this; she took an equity stake and built a campaign targeting platforms like Polymarket that let people bet on elections and wars. Is taking a stand against geopolitical betting a smart business play for a sports app, or is using hyper-viral ads to promote gambling platforms still just corporate posturing? https://t.co/qwuh1Vh2S2

— Obaino (@iamdpassword) September 9, 2026

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്