കുടുംബത്തിലേക്ക് ആൺകുഞ്ഞെത്തി! സന്തോഷം പങ്കിട്ട് മില്ലി ബോബി ബ്രൗണും ജെയ്ക് ബോഞ്ചിയോവിയും

SEPTEMBER 18, 2026, 4:11 AM

'സ്ട്രേഞ്ചർ തിങ്സ്' ഫെയിം മില്ലി ബോബി ബ്രൗണും ഭർത്താവും നടനുമായ ജെയ്ക് ബോഞ്ചിയോവിയും രണ്ടാമതും മാതാപിതാക്കളായി. ദത്തെടുക്കലിലൂടെയാണ് ഇരുവരും തങ്ങളുടെ കുടുംബത്തിലേക്ക് രണ്ടാമത്തെ കൺമണിയെ വരവേറ്റത്.

കുഞ്ഞ് ആൺകുട്ടിയാണെന്ന് വെളിപ്പെടുത്തി മില്ലി സോഷ്യൽ മീഡിയയിൽ പുതിയ ചിത്രവും പങ്കുവെച്ചു. "ഹായ് ലിറ്റിൽ ഗൈ" (Hi little guy!) എന്ന അടിക്കുറിപ്പോടെയാണ് താരം മകന്റെ ആദ്യ ചിത്രം പങ്കുവെച്ചത്. കുഞ്ഞിന്റെ വിരലിൽ മില്ലിയും ഭർത്താവും മൂത്ത മകളും ചേർന്ന് പിടിച്ചിരിക്കുന്ന മനോഹരമായ ചിത്രമാണ് ഇൻസ്റ്റാഗ്രാമിൽ പോസ്റ്റ് ചെയ്തിരിക്കുന്നത്.

ഈ പോസ്റ്റിന്റെ കമന്റ് ബോക്സ് താരം ഓഫാക്കി വെച്ചിട്ടുണ്ട്. 2025 ഓഗസ്റ്റിലാണ് ഇരുവരും ദത്തെടുക്കലിലൂടെ ഒരു പെൺകുഞ്ഞിനെ ആദ്യമായി കുടുംബത്തിലേക്ക് സ്വീകരിക്കുന്നത്.

ബാല്യകാലം തൊട്ടേ കുട്ടികളെ ദത്തെടുക്കുക എന്നത് തന്റെ വലിയ ആഗ്രഹങ്ങളിൽ ഒന്നായിരുന്നുവെന്നും, അത് സ്നേഹത്തിന്റെ പൂർണ്ണമായ അടയാളമാണെന്നും മില്ലി മുൻപ് പല അഭിമുഖങ്ങളിലും വ്യക്തമാക്കിയിട്ടുണ്ട്. 2021 മുതൽ പ്രണയത്തിലായിരുന്ന മില്ലിയും ജെയ്കും 2024 മെയ് മാസത്തിലാണ് വിവാഹിതരായത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്