എം.എ ബേബി ആരാണെന്നറിയാൻ തനിക്ക് ഗൂഗിൾ ചെയ്യേണ്ടി വരും: പരിഹാസവുമായി ത്രിപുര മുൻമുഖ്യമന്ത്രി

APRIL 8, 2025, 12:17 AM

ദില്ലി: സിപിഐഎം പോളിറ്റ് ബ്യൂറോയുടെ പുതിയ ജനറൽ സെക്രട്ടറിയായി എംഎ ബേബിയെ തിരഞ്ഞെടുത്തതിനെ പരിഹസിച്ചുകൊണ്ട് ത്രിപുര മുൻ മുഖ്യമന്ത്രി ബിപ്ലബ് കുമാർ ദേബ് . ഇടതുപാർട്ടിയുടെ പുതിയ മേധാവിയെ തനിക്ക് വ്യക്തിപരമായി അറിയില്ലെന്ന് അദ്ദേഹം പറഞ്ഞു.

രാജ്യം മുഴുവൻ അറിയുന്ന ഒരു നേതാവും ഇന്ന് കമ്മ്യൂണിസ്റ്റുകാരിൽ ഇല്ല, മോദിയെപ്പോലെയോ യോഗിയെ പോലെയോ തലപ്പൊക്കമുള്ള നേതാവ് സിപിഎമ്മിൽ ഇല്ലെന്നും ബിപ്ലവ് കുമാർദേബ് പറയുന്നു.

തനിക്ക് എം എ ബേബി ആരാണെന്ന് അറിയില്ല. പാർട്ടിയോട് വിശ്വസ്തതയുള്ള കഴിവുള്ള വ്യക്തിയാകാം. സിപിഎം ജനറൽ സെക്രട്ടറി എം എ ബേബി ആരാണെന്ന് ഗൂഗിൾ ചെയ്തു നോക്കേണ്ടിവരുമെന്ന് അദ്ദേഹം പരിഹസിച്ചു.