തിരുവനന്തപുരം: റീജണൽ കാൻസർ സെൻ്ററിലെ ഡാറ്റ ചോർന്നു. രാജ്യത്തെ ഏറ്റവും വലിയ സൈബര് ആക്രമണങ്ങളില് ഒന്നാണ് തിരുവനന്തപുരം റീജണല് ക്യാന്സര് സെന്ററില് ഉണ്ടായത്. വിദേശ സൈബർ ഹാക്കർമാരാണ് ഡാറ്റ ചോർത്തിയത്.
ഏപ്രില് 28-നാണ് ആര്സിസിയിലെ സെര്വറുകള് ഹാക്ക് ചെയ്യപ്പെട്ടത്. 14 സെര്വറുകളില് 11-ലും ഹാക്കര്മാര് കടന്നുകയറി. ഇ-മെയില് വഴിയാണ് ഹാക്കര്മാര് ആര്സിസിയുടെ നെറ്റ് വര്ക്കിലേക്ക് പ്രവേശിച്ചത്.
രോഗികളുടെ ചികിത്സാ വിവരങ്ങള് മുഴുവന് ഹാക്കര്മാര് ചോര്ത്തി. ഇരുപത് ലക്ഷത്തോളം രോഗികളുടെ വ്യക്തിവിവരങ്ങള് ഉള്പ്പടെ ഹാക്കര്മാര് കൈവശപ്പെടുത്തിയെന്ന ഞെട്ടിക്കുന്ന വിവരങ്ങളാണ് പുറത്ത് വരുന്നത്.
സൈബര് ആക്രമണത്തില് റേഡിയേഷന് വിഭാഗത്തിന്റെ പ്രവര്ത്തനം സ്തംഭിച്ചു. ഡാറ്റകള് തിരിച്ച് നല്കാന് 100 മില്ല്യണ് അമേരിക്കന് ഡോളറാണ് ഹാക്കര്മാര് ആവശ്യപ്പെട്ടത്.
ആര്സിസി ഡയറക്ടര് ഡോ. രേഖ നായരുടെ പരാതിയില് സൈബര് പൊലീസ് അന്വേഷണം തുടങ്ങി. കേന്ദ്ര രഹസ്യാനേഷണ വിഭാഗവും ഇന്ത്യന് കംപ്യൂട്ടര് എമര്ജന്സി ടീമും സമാന്തരമായി ഡാറ്റാ മോഷണം അന്വേഷിക്കുന്നുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്