തൃശൂര്: പോളണ്ടില് ഭക്ഷണ വിതരണരംഗത്ത് ജോലി ചെയ്തിരുന്ന പെരിങ്ങോട്ടുകര സ്വദേശിയായ ഇരുപത്തിമൂന്നുകാരന് ആഷിക് രഘു മരിച്ച സംഭവത്തിൽ ദുരൂഹത ആരോപിച്ച് കുടുംബം.
ഏപ്രില് ഒന്നിനാണ് ആഷിക് മരിച്ച വിവരം വീട്ടിലറിയുന്നത്. രാത്രി കിടന്നുറങ്ങിയ ആഷിഖ് രാവിലെ ശ്വാസം തടസ്സമുണ്ടായി മരിച്ചെന്നായിരുന്നു സുഹൃത്തുക്കളുടെ ആദ്യ ഭാഷ്യം.
മൃതദേഹം ഏപ്രില് പന്ത്രണ്ടിന് ഇന്ത്യയിലെത്തിച്ചു. സംശയം തോന്നിയ കുടുംബം ഇവിടെ പോസ്റ്റ്മോര്ട്ടം നടത്തി. ഒരുമാസത്തിന് ശേഷം ലഭിച്ച റിപ്പോര്ട്ടില് തലയ്ക്ക് പിന്നിലേറ്റ ക്ഷതം മരണ കാരണമായെന്ന് വ്യക്തമായി.
ഈ റിപ്പോർട്ടും സുഹൃത്തുക്കൾ പറഞ്ഞതിലെ പൊരുത്തക്കേടും സംബന്ധിച്ച് വീണ്ടും കുടുംബം സംശയം ഉന്നയിച്ചപ്പോൾ ലഭിച്ച മറുപടി ഉക്രൈന് കാരുമായി മരിക്കുന്നതിന്റെ തലേന്ന് സംഘര്ഷമുണ്ടായെന്നാണ്. എന്നിട്ടും അവരത് പൊലീസിനോട് പറയാതെ ഒളിച്ചുവച്ചെന്ന് ആഷിഖിന്റെ പിതാവ് ആരോപിക്കുന്നു.
ആഷിക മരിച്ച സംഭവത്തില് സുഹൃത്തുക്കളായ മലയാളി യുവാക്കളുടെ പങ്ക് അന്വേഷിക്കണമെന്നാവശ്യപ്പെട്ട് അച്ഛൻ രംഗത്തെത്തി. അന്വേഷണം ആവശ്യപ്പെട്ട് ഇന്ത്യന് എംബസിയെ സമീപിച്ചെങ്കിലും വേണ്ടത്ര ഇടപെടലുണ്ടായില്ലെന്നും കുടുംബം ആരോപിച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്