തിരുവനന്തപുരം: കാലടി സംസ്കൃത സര്വ്വകലാശാലയിലെ ഒരു സംഘം വിദ്യാര്ത്ഥികള് ദേഹോപദ്രവം ഏല്പ്പിച്ചുവെന്നും കയ്യേറ്റം ചെയ്തുവെന്നുമുള്ള പരാതിയില് കാലടി സംസ്കൃത സര്വ്വകലാശാല വൈസ് ചാന്സലര് സിസാ തോമസിന് പൂര്ണ്ണ പിന്തുണയുമായി ഗവര്ണര്.
സിസാ തോമസിനെ നേരില് കണ്ട് കാര്യങ്ങള് ചോദിച്ചറിഞ്ഞു. ദേഹോപദ്രവം അടക്കം നേരിടേണ്ടിവന്നുവെന്ന് സിസാ തോമസ് ഗവര്ണറെ അറിയിച്ചതായാണ് വിവരം. തുടര്ന്ന് രേഖാമൂലം റിപ്പോര്ട്ട് തയ്യാറാക്കി നല്കാനായിരുന്നു ഗവര്ണറുടെ മറുപടി.
ഈ കൂടിക്കാഴ്ചയ്ക്ക് പിന്നാലെയാണ് മുഖ്യമന്ത്രിക്കും ഡിജിപിക്കും ആഭ്യന്തരമന്ത്രിക്കും സിസാ തോമസ് പരാതി നല്കിയത്. അതിനിടെ സിസാ തോമസിനെതിരായ പ്രതിഷേധത്തില് സംസ്ഥാന പൊലീസ് മേധാവിയെ ഗവര്ണര് വിളിച്ചുവരുത്തി. ലോക്ഭവനില് വെച്ചായിരുന്നു ഇരുവരും തമ്മിലുള്ള കൂടിക്കാഴ്ച.
കുറ്റക്കാര്ക്കെതിരെ കര്ശന നടപടിയെടുക്കണമെന്ന് ഗവര്ണര് ഡിജിപിയോട് ആവശ്യപ്പെട്ടു. ജാമ്യമില്ലാ വകുപ്പ് പ്രകാരം നടപടിയെടുക്കണമെന്നായിരുന്നു ആവശ്യം. ഇത്തരം സംഭവങ്ങള് ആവര്ത്തിക്കാതിരിക്കാനുള്ള മുന്കരുതല് സ്വീകരിക്കണമെന്നും നിര്ദേശിച്ചു.
കാലടി സംസ്കൃത സര്വ്വകലാശാലയിലെ ഒരു സംഘം വിദ്യാര്ത്ഥികള് ദേഹോപദ്രവം ഏല്പ്പിച്ചുവെന്നും കൈയ്യേറ്റം ചെയ്തുവെന്നും ഔദ്യോഗിക കൃത്യനിര്വ്വഹണം തടസ്സപ്പെടുത്തിയെന്നുമായിരുന്നു സിസാ തോമസിന്റെ പരാതി. തുടര്ന്ന് നാല് എസ്എഫ്ഐ പ്രവര്ത്തകരെ അറസ്റ്റ് ചെയ്തിരുന്നു. മെവിന്, യദു കൃഷ്ണന്, ബേസില്, വിജീഷ് എന്നിവരെയാണ് അറസ്റ്റ് ചെയ്തത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
132-20260817041144.jpg)
1-20260817040257.jpg)
-20201113034034.jpg)
-20260817032142.jpg)
1-20260817031850.jpg)
1-20260807095730.jpg)
1-20260803033431.jpg)
