തിരുവനന്തപുരം: ശബരിമല യുവതി പ്രവേശനവുമായി ബന്ധപ്പെട്ട സമരങ്ങളിൽ രജിസ്റ്റർ ചെയ്ത കേസുകൾ പിൻവലിക്കുന്നതിൽ വലിയൊരു ഭാഗം ഇനിയും ബാക്കിയാണെന്ന് മുഖ്യമന്ത്രി പിണറായി വിജയൻ.

നിയമസഭയിൽ എ.പി. അനിൽകുമാർ എം.എൽ.എയുടെ ചോദ്യത്തിന് നൽകിയ മറുപടിയിലാണ് സർക്കാർ ഈ കണക്കുകൾ വ്യക്തമാക്കിയത്. സമരങ്ങളുമായി ബന്ധപ്പെട്ട് സംസ്ഥാനത്ത് ആകെ 2634 കേസുകളിലായി 29,119 പേർക്കെതിരെയാണ് കേസ് രജിസ്റ്റർ ചെയ്തിരുന്നത്.

ഇതിൽ 1587 കേസുകൾ ഇനിയും പിൻവലിക്കാനുണ്ടെന്നാണ് പുതിയ കണക്കുകൾ സൂചിപ്പിക്കുന്നത്. 2021 ഫെബ്രുവരിയിൽ തന്നെ ഈ കേസുകൾ പിൻവലിക്കുമെന്ന് സർക്കാർ ഉത്തരവിറക്കിയിരുന്നെങ്കിലും, അഞ്ച് വർഷം പിന്നിടുമ്പോഴും പകുതിയിലധികം കേസുകളിൽ നടപടി പൂർത്തിയായിട്ടില്ല.

ആകെ കേസുകൾ: 2634 കേസുകൾ, പ്രതികൾ 29,119 പേർ

1047 കേസുകളിൽ പോലീസ് തുടർ നടപടികൾ ഒഴിവാക്കുകയോ പിൻവലിക്കാനുള്ള അപേക്ഷ കോടതിയിൽ സമർപ്പിക്കുകയോ ചെയ്തിട്ടുണ്ട്. 692 കേസുകൾ നിലവിൽ വിവിധ കോടതികളുടെ സജീവ പരിഗണനയിലാണ്. മുഖ്യമന്ത്രിയുടെ മറുപടി പ്രകാരം 1587 കേസുകളാണ് ഇനിയും തീർപ്പാക്കാനുള്ളത്.

വിഷയത്തിൽ മുഖ്യമന്ത്രി മറുപടി നൽകാൻ വൈകിയതിനെത്തുടർന്ന് എ.പി. അനിൽകുമാർ സ്പീക്കർക്ക് പരാതി നൽകിയിരുന്നു. ഇതിന് പിന്നാലെയാണ് ഇപ്പോൾ നിയമസഭാ വെബ്‌സൈറ്റിൽ ഔദ്യോഗിക മറുപടി ലഭ്യമായിരിക്കുന്നത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്